(vovworld) – ຕອນເຊົ້າວັນທີ 13/06, ທ່ານຮອງນາຍົກລັດຖະມົນຕີ ຫວູວັນນິງ ໄດ້ໄປຢື້ຢາມຖາມຂ່າວ, ລະດົມກຳລັງໃຈພະນັກງານ, ພາລະກອນໜ່ວຍ 3, ກົມກວດກາການປະມົງສາຂາເຂດ 2 ຢູ່ນະຄອນດ່ານັ້ງ, ຢ້ຽມຢາມພະນັກງານ, ນັກຮົບຕຳຫຼວດທະເລກຳປັ່ນ CBS 8001 ໄລຍະຜ່ານມາ, ເຖິງວ່າຝ່າຍຈີນ ໃຊ້ກຳປັ່ນຕຳໃສ່, ນຳໃຊ້ທໍ່ສີດນ້ຳ ເຮັດໃຫ້ຜູ້ກວດກາການປະມົງ, ຕຳຫຼວດທະເລຫຼາຍຄົນຖືກບາດເຈັບກໍ່ຕາມ ແຕ່ບັນດາກຳລັງປະຕິບັດກົດໝາຍຂອງຫວຽດນາມ ຍັງຄົງລະງັບໃຈ, ຢືດໝັ້ນຕິດພັນກັບທະເລ, ຕໍ່ສູ່ເພື່ອຄັດຄ້ານ, ຮຽກຮ້ອງໃຫ້ຝ່າຍຈີນ ຖອນຮ້ານເຈາະນ້ຳມັນໄຮ່ຢາງ 981 ທີ່ຕັ້ງຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທວີບຂອງຫວຽດນາມ ອອກ. ທ່ານຮອງນາຍົກລັດຖະມົນຕີ ຫວູວັນນິງ ໄດ້ຍ້ອງຍໍພະນັກງານ, ພາລະກອນກວດກາການປະມົງ, ຕຳຫຼວດທະເລ, ພິເສດແມ່ນກຳລັງທີ່ພວມປະຕິບັດໜ້າທີ່ຕໍ່ສູ່, ປົກປັກຮັກສາອະທິປະໄຕເຂດທະເລຮ່ວາງຊາໂດຍກົງ.
“ໃນໄລຍະຜ່ານມາ, ບັນດາພະນັກງານ, ນັກຮົບໄດ້ອົງອາດກ້າຫານປະຕິບັດໜ້າທີ່ເຊິ່ງພັກ ແລະ ລັດໄດ້ມອບໝາຍໃຫ້, ບໍ່ຫວາດຫວັ່ນຕໍ່ຄວາມຫຍຸ້ງຍາກ, ລຳບາດ. ສິ່ງດັ່ງກ່າວໄດ້ຮັບການຊົມເຊີຍ ແລະ ຍ້ອງຍໍຈາກພັກ, ລັດ ແລະ ປະຊາຊົນ.
ເມື່ອຢ້ຽມຢາມ ແລະ ເຮັດວຽກກັບບໍລິສັດໃຫຍ່ ຊົງຖູ, ທ່ານຮອງນາຍົກລັດຖະມົນຕີ ຫວູວັນນິງ ຊີ້ແຈ້ງວ່າ ຂະແໜງອຸດສາຫະກຳຕໍ່ກຳປັ່ນແມ່ນຂະແໜງໄດ້ຮັບບຸລິມະສິດພັດທະນາ, ທັງຮັບປະກັນຜົນປະໂຫຍດດ້ານເສດຖະກິດ ທັງປະກອບສ່ວນປົກປັກຮັກສາອະທິປະໄຕເຂດທະເລ, ໝູ່ເກາະ. ທ່ານຮອງນາຍົກລັດຖະມົນຕີຫວັງວ່າ ໃນໄລຍະຈະມາເຖິງບໍລິສັດໃຫຍ່ ຊົງຖູ ສືບຕໍ່ ຕໍ່ກຳປັ່ນກວດກາການປະມົງ, ກຳປັ່ນຕຳຫຼວດທະເລໃຫ້ຫຼາຍ ແລະ ທັນສະໄໝກວ່າ, ຊ່ວຍກຳລັງປະຕິບັດກົດໝາຍບົນທະເລປະຕິບັດໜ້າທີ່ຮັກສາຄວາມປອດໄພ, ປະກອບສ່ວນຮັກສາອະທິປະໄຕທະເລ, ໝູ່ເກາະທີ່ສັກກະລະບູຊາຂອງປະເທດຊາດ.
ແລະກໍ່ໃນຕອນເຊົ້າວັນດຽວກັນ, ທ່ານຮອງນາຍົກລັດຖະມົນຕີ ຫວູວັນນິງ ໄດ້ໄປຢ້ຽມຢາມ ແລະ ມອບຂອງຂວັນໃຫ້ຊາວປະມົງດ່ານັ້ງ 30 ຄົນທີ່ຫາກໍ່ກັບເມື່ອຈາກເຂດຫາປາທີ່ເປັນມູນເຊື້ອ ຮ່ວາງຊາ.