ຮອງນາຍົກລັດຖະມົນຕີ ຫວູວັນນີງ ເຮັດວຽກກັບການນຳແຂວງເບ໋ນແຈ
(ພາບ: VGP/Thành Chung)
(vovworld) – ຕອນເຊົ້າວັນທີ 17/1, ທ່ານຮອງນາຍົກລັດຖະມົນຕີ ຫວຽດນາມ ຫວູວັນນີງ ພ້ອມກັບຄະນະປະຕິບັດງານຂອງລັດຖະບານໄດ້ລົງເຮັດວຽກກັບການນຳແຂວງ ເບ໋ນແຈ ກ່ຽວກັບການກໍ່ສ້າງຊົນນະບົດໃໝ່ ແລະ ວຽກງານລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ. ທ່ານຮອງນາຍົກລັດຖະມົນຕີ ຫວູວັນນີງ ຕີລາຄາສູງ ເລື່ອງຫັນປ່ຽນໂຄງປະກອບເສດຖະກິດ ແລະ ກຳນົດທິດພັດທະນາເສດຖະກິດຂອງແຂວງ, ທ່ານຖືວ່າ ແຂວງ ເບ໋ນແຈ ມີວິທີການປະຕິບັດຢ່າງມີຫົວຄິດປະດິດສ້າງ, ລະດົມກຳລັງແຮງຂອງປະຊາຊົນ ແລະ ແຫຼ່ງກຳລັງໃນວິວັດການກໍ່ສ້າງຊົນນະບົດໃໝ່. ອັດຕາການຫລຸດຜ່ອນຄວາມທຸກຍາກຂອງແຂວງ ເບ໋ນແຈ ແຕ່ລະປີແມ່ນປະມານ 2% - ເຊິ່ງແມ່ນອັດຕາສູງພໍສົມຄວນເມື່ອທຽບໃສ່ກັບລະດັບຫລຸດຜ່ອນຄວາມທຸກຍາກປານກາງຂອງທົ່ວປະເທດ. ກ່ຽວກັບການກຳນົດທິດພັດທະນາໃນໄລຍະຈະມາເຖິງ, ທ່ານຮອງນາຍົກລັດຖະມົນຕີ ຫວູວັນນິງ ເນັ້ນໜັກວ່າ:
“ກ່ອນອື່ນໝົດຍັງຕ້ອງສຸມໃສ່ເຂົ້າໃນຂະແໜງກະສິກຳ, ແຕ່ແມ່ນກະສິກຳຄຸນນະພາບສູງ ແລະ ຍືນຍົງ, ປະຊາຊົນຍັງຄົງມີເງື່ອນໄຂປົວແປງຊີວິດການເປັນຢູ່. ບັນຫາວາງອອກແມ່ນສົ້ນອອກຄືແນວໃດ, ປະຈຸບັນ, ໄດ້ມີຮູບແບບແລ້ວ, ເດັດດຽວຕ້ອງຮຽກຮ້ອງໃຫ້ວິສາຫະກິດເຂົາການລົງທຶນ, ເພື່ອທັງເປັນບ່ອນຜະລິດທັງເປັນບ່ອນຈຳໜ່າຍ. ທີ 2 ແມ່ນຕ້ອງຜູກຮັດການວາງແຜນກຳນົດກັບການຕະຫຼາດ, ບັນດາທ້ອງຖີ່ນຄວນແນະນຳໃຫ້ປະຊາຊົນປະຕິບັດຕາມ.”
ປະຈຸບັນ, ແຂວງ ເບ໋ນແຈ ມີ 124 ຕາແສງສ້າງຊົນນະບົດໃໝ່. ຮອດຈຸດເວລານີ້, ທົ່ວແຂວງມີໜຶ່ງຕາແສງບັນລຸໄດ້ 16 ມາດຖານ, 17 ຕາແສງບັນລຸແຕ່ 10 ຫາ 14 ມາດຖານ.