(vovworld) - ວັນທີ 21/07, ທີ່ການຕ້ອນຮັບທ່ານ ວິຣາພົນ ວິຣາວົງ, ຮອງລັດຖະມົນຕີກະຊວງພະລັງງານແລະບໍ່ແຮ່ລາວ ພວມມີການຢ້ຽມຢາມ ແລະ ເຮັດວຽກຢູ່ຫວຽດນາມ, ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ສະເໜີໃຫ້ 2 ຝ່າຍຕ້ອງກວດກາຄືນບັນດາໂຄງການ, ສຳຫຼວດຄວາມສາມາດບົມຊ້ອນຂອງແຕ່ລະຝ່າຍຢ່າງລະອຽດ ຈາກນັ້ນເພື່ອໃຫ້ວິສາຫະກິດຫວຽດນາມ ສາມາດເຂົ້າຮ່ວມການລົງທຶນ, ຮ່ວມມືໃນຂົງເຂດພັດທະນາແຫຼ່ງພະລັງງານ, ສາຍສົ່ງ, ສະໜອງໄຟຟ້າໃຫ້ທັງຫວຽດນາມ ແລະ ລາວ. ນີ້ແມ່ນຈຸດເວລາທີ່ເໝາະສົມເພື່ອປະຕິບັດບັນດາໂຄງການຮ່ວມມືໃນຂົງເຂດພະລັງງານລະຫວ່າງຫວຽດນາມ ແລະ ລາວ. ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ສະເໜີໃຫ້ 2 ປະເທດຕ້ອງຄົ້ນຄວ້າເພື່ອເຊື່ອມຕໍ່ບັນດາຕາໜ່າງໄຟຟ້າເພື່ອໃຫ້ລາວ ຂາຍໄຟຟ້າໃຫ້ຫວຽດນາມ ໃນເງື່ອນໄຂທີ່ເຫຼືອເກີນ.
ສ່ວນທ່ານ ວິຣາພົນ ວິຣາວົງ, ຮອງລັດຖະມົນຕີກະຊວງພະລັງງານແລະບໍ່ແຮ່ລາວ ໃຫ້ຮູ້ວ່າ, ການນຳພັກ, ລັດ, ລັດຖະບານລາວ ເອົາໃຈໃສ່ເປັນພິເສດເຖິງຂົງເຂດພະລັງງານ, ພິເສດແມ່ນການພັດທະນາແຫຼ່ງໄຟຟ້າ, ສົ່ງໄຟຟ້າ. ລາວ ປາດຖະໜາຈະຍູ້ແຮງການຮ່ວມມືກັບບັນດາວິສາຫະກິດໃຫຍ່ຂອງຫວຽດນາມ ທີ່ມີປະສົບການໃນບັນດາຂົງເຂດນີ້.