ຮອງນາຍົກລັດຖະມົນຕີຟ້າມບິ່ງມິງຕ້ອນຮັບເອກອັກຄະລັດຖະທູດນິວຊີແລນ
(ທ່ານຮອງນາຍົກລັດຖະມົນຕີຟ້າມບິ່ງມິງ
ຕ້ອນຮັບເອກອັກຄະລັດຖະທູດນິວຊີແລນ)
(vovworld) - ຕອນບ່າຍວັນທີ 13/04, ຢູ່ສຳນັກງານກະຊວງການຕ່າງປະເທດ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດນິວຊີແລນ ປະຈຳຫວຽດນາມ Wendy Matthews. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຟ້າມບິ່ງມິງ ສະເໜີໃຫ້ 2 ຝ່າຍເພີ່ມທະວີການຜັນຂະຫຍາຍບັນດາກົນໄກຮ່ວມມື 2 ຝ່າຍຢ່າງມີປະສິດທິຜົນ; ຍູ້ແຮງການຮ່ວມມືດ້ານເສດຖະກິດ, ການຄ້າ, ການລົງທຶນ… ທ່ານຮອງນາຍົກລັດຖະມົນຕີ ກໍສະເໜີໃຫ້ 2 ປະເທດ ສືບຕໍ່ຮ່ວມມືກັບຢ່າງແໜ້ນແຟ້ນໃນການຈັດຕັ້ງບັນດາເຫດການປີ APEC 2017 ໃຫ້ສຳເລັດ, ພິເສດແມ່ນສັບປະດາຂັ້ນສູງ APEC ຢູ່ດ່ານັ້ງ (11/2017).
ສ່ວນທ່ານເອກອັກຄະລັດຖະທູດ Wendy Matthews ໄດ້ຕີລາຄາສູງການພົວພັນ 2 ຝ່າຍລະຫວ່າງ 2 ປະເທດໃນປີ 2016 ສືບຕໍ່ຮັກສາທ່າພັດທະນາຢ່າງໝັ້ນຄົງ ແລະ ຕັ້ງໜ້າ. ທ່ານເອກອັກຄະລັດຖະທູດ Wendy Matthews ໃຫ້ຮູ້ຈະສືບຕໍ່ສົມທົບກັບບັນດາກະຊວງ, ຄະນະ, ຂະແໜງການຂອງຫວຽດນາມ ຢ່າງແໜ້ນແຟ້ນເພື່ອກະກຽມໃຫ້ບັນດາການຢ້ຽມຢາມຂັ້ນສູງທີ່ຈະມາເຖິງ ກໍຄືຈັດຕັ້ງປີ APEC 2017 ໃຫ້ສຳເລັດ; ຊຸກຍູ້ບັນດາຂົງເຂດຮ່ວມມື; ນຳການພົວພັນຄູ່ຮ່ວມມືຮອບດ້ານມຸ່ງໄປເຖິງຄູ່ຮ່ວມມືຍຸດທະສາດຫວຽດນາມ - ນິວຊີແລນ ໃຫ້ພັດທະນາ ນັບມື້ນັບມີປະສິດທິຜົນ, ເລິກເຊິ່ງ ແລະ ແທດຈິງ.