ໜຶ່ງໃນບັນດາການການເຄື່ອນໄຫວຂອງ
ທ່ານນາງ Man Sam Om ຢູ່ແຂວງກຽນຢາງ
( ພາບ: kiengiang.gov.vn )
(vovworld) - ວັນທີ 5/8, ຄະນະຜູ້ແທນລາຊະອານາຈັກກຳປູເຈຍ ໂດຍທ່ານນາງ Man Sam Om, ຮອງນາຍົກລັດຖະມົນຕີຜູ້ປະຈຳການລາຊະອານາຈັກກຳປູເຈຍ, ປະທານສະມາຄົມມິດຕະພາບກຳປູເຈຍ - ຫວຽດນາມ ເປັນຫົວໜ້າຄະນະໄດ້ໄປຢ້ຽມຢາມແຂວງກຽນຢາງ ແລະ ເຂົ້າຮວ່ມພິທີອັດງານພົບປະມິດຕະພາບ ແລະ ຮ່ວມມືປະຊາຊົນຫວຽດນາມ - ກຳປູເຈຍ ຄັ້ງທີ 3. ພາຍຫຼັງດຳເນີນໄປຢ່າງຟົດຟື້ນ, ອຸດົມສົມບຸນມາເປັນເວລາ 1 ອາທິດ ຢູ່ແຂວງດົງນາຍ ແລະ ກຽນຢາງ, ງານພົບປະມິດຕະພາບ ແລະ ຮ່ວມມືປະຊາຊົນຫວຽດນາມ - ກຳປູເຈຍ ຄັ້ງທີ່ 3 ໄດ້ສິ້ນສຸດລົງຢ່າງຈົບງາມ. ຜູ້ແທນປະຊາຊົນສອງປະເທດຫວຽດນາມ - ກຳປູເຈຍ ໄດ້ມີການພົບປະ ແລະ ພ້ອມກັນແລກປ່ຽນບັນດາບົດຮຽນທີ່ດີໃນການຜັນຂະຫຍາຍບັນດາການເຄື່ອນໄຫວມິດຕະພາບຢູ່ທ້ອງຖິ່ນ, ຢູ່ຫົວໜ່ວຍຂອງຕົນ; ພ້ອມກັນນັ້ນ, ກໍສະເໜີມາດຕະການຕ່າງໆ ເພື່ອສືບຕໍ່ປັບປຸງ ແລະ ເພີ່ມທະວີສາຍພົວພັນມິດຕະພາບ ແລະ ການຮ່ວມມືຢ່າງຮອບດ້ານຫວຽດນາມ - ກຳປູເຈຍ, ນຳສາຍພົວພັນຂຶ້ນສູ່ລະດັບສູງໃໝ່. ເນື່ອງໃນໂອກາດນີ້, ຄະນະຜູ້ແທນລາຊະອານາຈັກກຳປູເຈຍ ໄດ້ໄປຖະຫວາຍທູບທຽນຄູບາ 4 ອົງທີ່ໄດ້ເສຍສະຫຼະຊີວິດໃນການຕໍ່ສູ້ຕ້ານຈັກກະພັດອາເມລິກາ ຢູ່ເມືອງ ເຈົາແທ່ງ ແລະ ໄປຢ້ຽມຢາມບັນດານັກຮຽນລາຊະອານາຈັກກຳປູເຈຍ ທີ່ພວມຮໍ່າຮຽນຢູ່ໂຮງຮຽນມັດທະຍົມກິນນອນຊົນເຜົ່າແຂວງກຽນຢາງ.