ທ່ານພົນຕີ Dao Duy Minh ມອບປຶ້ມໂດຍສຳນັກພິມກອງທັບ ປະຊາຊົນຫວຽດນາມຈຳໜ່າຍໃຫ້ແກ່ທ່ານ ສົມສະຫວາດເລັ່ງສະຫວັດເປັນຂອງຂວັນ (ພາບ: bao QDND)
|
Vovworld- ໃນຂອບເຂດການຢ້ຽມຢາມຫວຽດນາມ, ວັນທີ 14/10, ທ່ານຮອງນາຍົກລັດຖະມົນຕີລາວ ສົມສະຫວາດເລັ່ງສະຫວັດໄດ້ມາຢ້ຽມຢາມ ແລະ ເຮັດວຽກກັບສຳນັກພິມກອງທັບປະຊາຊົນຫວຽດນາມ ແລະ ເຂົ້າຮ່ວມພິທີ ສະເໜີຕໍ່ ຜູ້ອ່ານກ່ຽວກັບປຶ້ມທີ່ລະນຶກປີສາມັກຄີມິດຕະພາບຫວຽດນາມ-ລາວ 2012 ຄົບຊຸດ. ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີລາວ ສົມສະຫວາດເລັ່ງສະຫວັດ ເນັ້ນໜັກວ່າ ຫວຽດນາມ ແລະ ລາວແມ່ນ 2 ປະເທດບ້ານໃກ້ເຮືອນຄຽງ, ມີການພົວພັນມິດຕະພາບ ທີ່ເປັນມູນເຊື້ອ, ຮ່ວມມື ຮອບດ້ານ ໂດຍປະທານ ໂຮ່ຈິມິນ ແລະ ປະທານໄກສອນພົມວີຫານ ພ້ອມກັບ ການນຳ ລຸ່ນຕ່າງໆ ຂອງ 2 ປະເທດໄດ້ເພີ່ມພູນຄຸນສ້າງຂຶ້ນ ແລະນັບມື້ ນັບເຂົ້າສູ່ລວງເລິກ. ທ່ານຮອງນາຍົກລັດຖະມົນຕີລາວ ສົມສະຫວາດເລັ່ງສະຫວັດ ເນັ້ນໜັ້ກວ່າ :
“ ໃນໂລກນີ້, ບໍ່ມີສາຍພົວພັນໃດທີ່ຍາວນານ, ສະເໝີຕົ້ນສະເໝີປາຍ ແລະ ນັບມື້ນັບໝັ້ນຄົງຄືດັ່ງ ສາຍພົວພັນຫວຽດນາມ-ລາວ. ດັ່ງນັ້ນ, ຂ້າພະເຈົ້າ ຫວັງວ່າ ພວກສະຫາຍຈົ່ງມານະພະຍາຍາມຄົ້ນຄ້ວາ ບັນດາບົດປະພັນຂອງຄົນລຸ່ນກ່ອນປະໄວ້ໃຫ້ພວກເຮົາ, ເພື່ອໃຫ້ພວກເຮົາຊາບຊຶມ, ເຂົ້າໃຈຄວາມໝາຍ ຢ່າງເລິກເຊິ່ງ ກ່ຽວກັບສາຍພົວພັນລະຫວ່າງ 2 ປະເທດ. ໃນສະຖານະການໂລກທີ່ມີການຜັນແປນັບມື້ນັບສັບສົນນັ້ນ, ຍິ່ງກ່ວາເວລາໃດໝົດ, 2 ປະເທດພວກເຮົາ, 2 ກອງທັບພວກເຮົາຍິ່ງຕ້ອງຊາບຊຶມແນວຄິດປະຕິວັດຂອງ 2 ປະເທດ ເພື່ອສາຍພົວພັນລະຫວ່າງ 2 ປະເທດພວກເຮົານັບມື້ນັບຂຽວສົດງົດງາມ, ໝັ້ນຄົງຂະແໜງແກ່ນຊົ່ວກາລະນານ ”