(vovworld) – ວັນທີ 24/3, ຢູ່ນະຄອນຫຼວງວຽງຈັນ, ທ່ານຮອງນາຍົກລັດຖະມົນຕີ ລາວ ສົມສະຫວາດ ເລັ່ງສະຫວັດ ໄດ້ເປັນປະທານການເຈລະຈາກັບຄະນະຜູ້ແທນຂັ້ນສູງແຂວງ ຮ່າຕິງ ໂດຍທ່ານປະທານຄະນະກຳມະການປະຊາຊົນແຂວງ ຮ່າຕິງ Vo Kim Cu ນຳໜ້າ. ທ່ານ Vo Kim Cu ໄດ້ສະເໜີກັບທ່ານຮອງນາຍົກລັດຖະມົນຕີລາວຄວນເອົາໃຈໃສ່ເຖິງຂົງເຂດຄົມມະນາຄົມ, ເຂດເສດຖະກິດດ່ານຊາຍແດນ, ບັນດາແຂວງທີ່ມີເສັ້ນຊາຍແດນຮ່ວມກັນ, ປະກອບສ່ວນປະຕິບັດສຳເລັດບັນດາຄາດໝາຍພັດທະນາເສດຖະກິດ - ສັງຄົມຂອງບັນດາແຂວງທີ່ມີເສັ້ນຊາຍແດນຮ່ວມກັນ.
ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ຕີລາຄາສູງການຮ່ວມມື, ຊ່ວຍເຫຼືອຂອງແຂວງ ຮ່າຕິງ ໃຫ້ແກ່ບັນດາທ້ອງຖິ່ນຂອງລາວ, ພ້ອມທັງຮັບຮູ້ວ່າບັນດາຂໍ້ສະເໜີຂອງແຂວງຮ່າຕິງ ຈະແມ່ນພື້ນຖານໃຫ້ ອະນຸກຳມະການຮ່ວມມືລັດຖະບານ 2 ປະເທດຄົ້ນຄ້ວາຊຸກຍູ້ການຮ່ວມມື. ທ່ານຮອງນາຍົກລັດຖະມົນຕີລາວ ໄດ້ມອບໜ້າທີ່ໃຫ້ອຳນາດການປົກຄອງແຂວງ ຄຳມ່ວນ ແລະ ບໍລິຄຳໄຊ ພ້ອມກັບບັນດາຂະແໜງການທີ່ກ່ຽວຂ້ອງຮ່ວມມືກັບແຂວງ ຮ່າຕິງ ຢ່າງມີປະສິດທິຜົນກ່ວາອີກ, ປະກອບສ່ວນເຂົ້າໃນການສະເຫຼີມສະຫຼອງປີແຫ່ງຄວາມສາມັກຄີມິດຕະພາບລາວ - ຫວຽດນາມ 2012 ແລະ ບັນດາງານບຸນໃຫຍ່ຂອງ 2 ປະເທດ ຢ່າງແທດຈິງ.