(vovworld) – ວັນທີ 16/7, ທ່ານ Le Thanh Hai, ກຳມະການກົມການເມືອງ, ເລຂາຄະນະພັກນະຄອນໂຮ່ຈິມິນ ໄດ້ໃຫ້ການຕ້ອນຮັບທ່ານ ທອງລຸນ ສີສຸລິດ, ຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດລາວ ແລະ ທ່ານ ສຸກັນ ມະຫາລາດ ເລຂາທິການສູນກາງພັກ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນ, ເນື່ອງໃນໂອກາດທີ່ຄະນະເດີນທາງມາຢ້ຽມຢາມນະຄອນໂຮ່ຈິມີນ ເຂົ້າຮ່ວມພິທີສະເຫີຼມສະຫຼອງ 50 ປີແຫ່ງວັນສ້າງສາຍພົວພັນທາງການທູດລະຫວ່າງສອງປະເທດ. ທ່ານ Le Thanh Hai ໄດ້ເນັ້ນໜັກວ່າ, ການເຂົ້າຮ່ວມຂອງຄະນະຜູ້ແທນຂັ້ນສູງພັກ, ລັດ ລາວ ໂດຍທ່ານຮອງນາຍົກລັດຖະມົນຕີ ທອງລຸນ ສີສຸລິດ ນຳໜ້າ, ພ້ອມກັບຄະນະຜູ້ແທນຂັ້ນສູງຂອງນະຄອນຫຼວງວຽງຈັນ ແລະ ແຂວງຈຳປະສັກ, ແມ່ນການພິສູດໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອສະໜິດຕິດພັນ, ການພົວພັນຮ່ວມມືແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ ແລະ ປະຊາຊົນສອງປະເທດ. ແລະກໍ່ໃນວັນດຽວກັນ, ທ່ານ Le Hoang Quan, ກຳມະການກົມການເມືອງສູນກາງພັກ. ປະທານຄະນະກຳມະການປະຊາຊົນນະຄອນໂຮ່ຈິມິນ ກໍ່ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງແຂວງຈຳປະສັກ ໂດຍທ່ານ ສອນໄຊ ສີພັນດອນ, ເລຂາຄະນະພັກແຂວງ, ເຈົ້າແຂວງ ແຂວງຈຳປະສັກນຳໜ້າ.