ຮອງນາຍົກລັດຖະມົນຕີຫງວຽນຊວນຟຸກຕ້ອນຮັບຄະນະຜູ້ແທນຜູ້ມີຍົດຖາບັນດາສັກ
ທ່ານຮອງນາຍົກລັດຖະມົນຕີຫງວຽນຊວນຟຸກ
ຕ້ອນຮັບຄະນະຜູ້ແທນຜູ້ມີຍົດຖາບັນດາສັກ
(ພາບ: baochinhphu)
(vovworld) – ຕອນບ່າຍວັນທີ 04/02, ທີ່ການຕ້ອນຮັບສູນກາງສະມາຄົມພຸດທະສາສະໜາຫວຽດນາມ ໂດຍພະມະຫາອາຈານ ທິກທ້ຽນເຍີນ, ປະທານສະພາບບໍລິຫານງານພຸດທະສາສະໜາ ນຳໜ້າ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ສົ່ງຄຳອວຍພອນບຸນເຕັດເຖິງພະມະຫາອາຈານ ພ້ອມກັບບັນດາພະສົງສຳມະເນັນ, ພຸດທະສາສະນິກກະຊົນ ພາຍໃນ ແລະ ຕ່າງປະເທດ ມີສຸຂະພາບເຂັ້ມແຂງ, ມີຄວາມສະຫງົບສຸກ ແລະ ບັນລຸໄດ້ຜົນງານທຸກດ້ານ. ທ່ານຮອງນາຍົກລັດຖະມົນຕີ ປາດຖະໜາວ່າ ບັນດາຜູ້ມີຍົດຖາບັນດາສັກສະມາຄົມພຸດທະສາສະໜາຫວຽດນາມ ທຸກຂັ້ນ ຮຽກຮ້ອງປະຊາຊົນຜູ້ເຊື່ອຖືສາສະໜາພຸດພາຍໃນ ແລະ ຕ່າງປະເທດຈົ່ງສາມັກຄີກັນ ໃນສະມາຄົມພຸດທະສາສະໜາຫວຽດນາມ, ສາມັກຄີກັບປະຊາຊົນຜູ້ເຊື່ອຖືສາສະໜາອື່ນໆ ແລະ ປະຊາຊົນໃນທົ່ວປະເທດ ຕັ້ງໜ້າສະໜັບສະໜູນບັນດາຂະບວນການແຂ່ງຂັ້ນຮັກຊາດ, ປັບປຸງ ແລະ ພັດທະນາເສດຖະກິດ, ວັດທະນະທຳ, ສັງຄົມ.
ແລະກໍໃນວັນດຽວກັນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບຄະນະຜູ້ແທນສະພາສັງຄະລາດຫວຽດນາມ ໂດຍສັງຄະນາຍົກ ບຸຍວັນດອກ, ປະທານສະພາສັງຄະລາດຫວຽດນາມ ນຳໜ້າ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ໄດ້ເນັ້ນໜັກວ່າ, ຍາມໃດລັດຫວຽດນາມ ກໍ່ເຄົາລົບ ແລະ ຮັບປະກັນສິດເສລີໃນການເຊື່ອຖື, ສາສະໜາຂອງປະຊາຊົນ ແລະ ຢືນຢັນວ່າ, ນັ້ນແມ່ນນະໂຍບາຍສະເໝີຕົ້ນສະເໝີປາຍເພື່ອຕອບສະໜອງສິດ ແລະ ຜົນປະໂຫຍດອັບຊອບທຳຂອງບັນດາສາສະນິກກະຊົນສາສະໜາຕ່າງໆ.