ຮອງນາຍົກລັດຖະມົນຕີຫງວຽນຊວນຟຸກຕ້ອນຮັບຮອງນາຍົກລັດຖະມົນຕີກຳປູເຈຍ
ທ່ານຮອງນາຍົກລັດຖະມົນຕີຫງວຽນຊວນຟຸກ
ຕ້ອນຮັບຮອງນາຍົກລັດຖະມົນຕີກຳປູເຈຍ
(ພາບ: VGP)
(vovworld) - ກ່າວຄວາມເຫັນທີ່ການຕ້ອນຮັບໃນວັນທີ 1/9 ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຊົມເຊີຍ ແລະ ຂອບອົກຂອງໃຈທ່ານນາງຮອງນາຍົກລັດຖະມົນຕີກຳປູເຈຍ Men Xom On ແລະ ຄະນະຜູ້ແທນກຳປູເຈຍ ທີ່ໄດ້ມາຫວຽດນາມ ເຂົ້າຮ່ວມພິທີສະເຫຼີມສະຫຼອງ 70 ປີ ແຫ່ງວັນການປະຕິວັດເດືອນ 8 ສຳເລັດຜົນ, ແລະ ວັນຊາດ 2/9 ຂອງຫວຽດນາມ. ທ່ານ ຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ຫວຽດນາ ແລະ ກຳປູເຈຍ ແມ່ນສອງປະເທດບ້ານໃກ້ເຮືອນຄຽງ, ມີມູນເຊື້ອສາມັກຄີ, ສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນ. ໃນການຕໍ່ສູ້ຍາດເອົາເອກະລາດ ແລະ ເສລີພາບໃຫ້ປະເທດ, ຍາມໃດປະຊາຊົນຫວຽດນາມ ກໍ່ໄດ້ຮັບການສະໜັບສະໜູນ ຊ່ວຍເຫຼືອອັນລຳ້ຄ່າ ຈາກເພື່ອນມິດສາກົນ, ໃນນັ້ນມີປະຊາຊົນ ກຳປູເຈຍ. ສອງຝ່າຍເຫັນດີເພີ່ມທະວີການພົວພັນມິດຕະພາບ ແລະ ການຮ່ວມມືໃນທຸກຂົງເຂດ, ເພີ່ມທະວີການແລກປ່ຽນຄະນະຜູ້ແທນ, ຮ່ວມມືທາງດ້ານເສດຖະກິດ, ການຄ້າ, ການລົງທຶນ ແລະ ສືບຕໍ່ສົມທົບກັນ ເພື່ອແນໃສ່ສຳເລັດວຽກງານຂີດເສັ້ນຊາຍແດນ, ປັກຫຼັກໝາຍຊາຍແດນທາງບົກ.