ຮອງນາຍົກລັດຖະມົນຕີຫວູດຶກດາມເຂົ້າຮ່ວມພິທີສະເຫຼີມສະຫຼອງວັນຄູແຫ່ງຊາດຫວຽດນາມ
ຄູດີເດັ່ນຂອງສະຖາບັນ 6 ຄົນ
(ພາບ: dangcongsan.vn)
(vovworld) – ຕອນເຊົ້າວັນທີ 19/11, ທ່ານຮອງນາຍົກລັດຖະມົນຕີ ຫວູດຶກດາມ ເຂົ້າຮ່ວມພິທີສະເຫຼີມສະຫຼອງວັນຄູແຫ່ງຊາດ ຫວຽດນາມ (20/11) ຢູ່ສະຖາບັນການເມືອງແຫ່ງຊາດ ໂຮ່ຈີມິນ, ທີ່ຮ່າໂນ້ຍ. ອວຍພອນໃຫ້ບັນດາການນຳ, ຄູອາຈານ, ພະນັກງານ, ນັກສຳມະນາກອນລຸ້ນຕ່າງໆຂອງສະຖາບັນເນື່ອງໃນໂອກາດວັນຄູແຫ່ງຊາດ, ທ່ານຮອງນາຍົກລັດຖະມົນຕີ ຫວູດຶກດາມ, ເນັ້ນໜັກວ່າ: ສະຖາບັນການເມືອງແຫ່ງຊາດ ໂຮ່ຈີມິນ ແມ່ນສູນບຳລຸງສ້າງ, ຄົ້ນຄ້ວາ ມີຂອບຂະໜາດໃຫຍ່ ແລະ ມີບົດບາດສຳຄັນພິເສດສຳລັບພາລະໜ້າທີ່ບຳລຸງສ້າງ, ຝຶກອົບຮົມຖັນແຖວພະນັກງານ, ນັກຄຸ້ມຄອງຫຼັກແຫຼ່ງຂອງທົ່ວລະບົບການເມືອງ ແລະ ຄົ້ນຄ້ວາ, ສະໜອງບັນດາມູນຖານໃຫ້ການກຳນົດ ແລະ ປ່ຽນໃໝ່ແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ. ທ່ານຮອງນາຍົກລັດຖະມົນຕີ ຫວູດຶກດາມ ເຊື່ອໝັ້ນວ່າ: ດ້ວຍຖັນແຖວພະນັກງານ, ຄູສອນທີ່ມີຄວາມເກັ່ງກ້າສາມາດ ແລະ ພິເສດແມ່ນແບບຢ່າງ, ສະຖາບັນການເມືອງແຫ່ງຊາດ ໂຮ່ຈີມິນ ສືບຕໍ່ປະຕິບັດສຳເລັດພາລະກິດບຳລຸງສ້າງພະນັກງານ ແລະ ຄົ້ນຄ້ວາວິທະຍາສາດ, ທິດສະດີເພື່ອປະກອບສ່ວນຢ່າງເໝາະສົມເຂົ້າໃນພາລະກິດຂອງທົ່ວພັກ, ທົ່ວປວງຊົນໃນໄລຍະພັດທະນາໃໝ່.
ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ມອບນາມມະຍົດຄູດີເດັ່ນໃຫ້ຄູສອນ 6 ຄົນຂອງສະຖາບັນ. ສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງການມອບຫຼຽນໄຊແຮງງານ, ຄັນທຸງແຂ່ງຂັນຂອງລັດຖະບານ, ໃບຍ້ອງຍໍຂອງນາຍົກລັດຖະມົນຕີມອບໃຫ້ບັນດາໝູ່ຄະນະ, ບຸກຄົນມີຜົນງານດີເດັ່ນໃນວຽກງານບຳລຸງສ້າງ, ຝຶກອົບຮົມພະນັກງານ ແລະ ຄົ້ນຄ້ວາວິທະຍາສາດ.