ຮອງນາຍົກລັດຖະມົນຕີຫວູດຶກດາມເປັນປະທານກອງປະຊຸມກ່ຽວກັບການສອນວິຊາຊີບໃຫ້ຄົນງານຊົນນະບົດ
ກອງປະຊຸມໄດ້ຈັດຕັ້ງຢູ່ສຳນັກງານລັດຖະບານ
(vovworld) – ກ່າວຄຳເຫັນທີ່ກອງປະຊຸມໃນວັນທີ 4/7, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວູດຶກດາມ, ຫົວໜ້າຄະນະຊີ້ນຳສູນກາງປະຕິບັດມະຕິ 1956 ຂອງນາຍົກລັດຖະມົນຕີ ອະນຸມັດຜ່ານແຜນຮ່າງບຳລຸງສ້າງວິຊາຊີບໃຫ້ຄົນງານຊົນນະບົດຮອດປີ 2020, ສະເໜີໃນໄລຍະຈະມາເຖິງ, ບັນດາກະຊວງ, ຂະແໜງການ, ທ້ອງຖີ່ນຕ້ອງສ້າງການຫັນປ່ຽນຢ່າງແທ້ຈິງກ່ຽວກັບຄວາມຮັບຮູ້ ແລະ ການກະທຳໃນການປະຕິບັດວຽກງານສອນວິຊາຊີບໃຫ້ຄົນງານຊົນນະບົດເວົ້າສະເພາະ ແລະ ການພັດທະນາແຫຼ່ງຊັບພະຍາກອນມະນຸດເວົ້າລວມ. ທ່ານຮອງນາຍົກລັດຖະມົນຕີ ຮຽກຮ້ອງໃຫ້ກະຊວງແຮງງານ - ທະຫານເສຍອົງຄະ ແລະ ສັງຄົມສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງປັບປຸງຮ່າງມະຕິຂອງນາຍົກລັດຖະມົນຕີ ກ່ຽວກັບນະໂຍບາຍສອນວິຊາຊີບໃຫ້ຄົນງານ. ໃນນັ້ນ, ກະຊວງຕ້ອງເອົາໃຈໃສ່ບຸລິມະສິດໜູນຊ່ວຍສອນວິຊາຊີບໃຫ້ຜູ້ທີ່ໄດ້ຊົມໃຊ້ນະໂຍບາຍບຸລິມະສິດ, ໃຫ້ຜູ້ມີຄຸນງາມຄວາມດີຕໍ່ການປະຕິວັດ, ຜູ້ທຸກຍາກ, ຄົນພິການ... ພ້ອມກັນນັ້ນ, ກະຊວງຕ້ອງຄົ້ນຄ້ວາ, ປັບປຸງການໜູນຊ່ວຍຄ່າ ກິນ, ຢູ່, ໄປມາໃຫ້ບັນດາເປົ້າໝາຍບຸລິມະສິດຢ່າງເໝາະສົມ, ຍື່ນສະເໜີຕໍ່ລັດຖະບານພິຈາລະນາ, ຕົກລົງໃນຕົ້ນໄຕມາດທີ 1 ປີ 2015.