ທ່ານຮອງນາຍົກລັດຖະມົນຕີຫວູວັນນີງ ກວດກາຮູບແບບ
ການຜະລິດຢູ່ແຂວງ ຮືງອຽນ
(ພາບ: Văn Hiếu)
(vovworld) – ວັນທີ 9/7, ທ່ານຮອງນາຍົກລັດຖະມົນຕີ ຫວູວັນນີງ, ຫົວໜ້າຄະນະຊີ້ນຳສູນກາງໂຄງການຈຸດໝາຍແຫ່ງຊາດກໍ່ສ້າງຊົນນະບົດໃໝ່ ໄດ້ລົງຢ້ຽມຢາມ ແລະ ເຮັດວຽກຢູ່ຕາແສງ ອານວີ້, ເມືອງ ຄ໋ວາຍເຈົາ, ແຂວງ ຮືງອຽນ, ເພື່ອກວດກາ ແລະ ສຳຫຼວດຕົວຈິງບັນດາຮູບແບບການຜະລິດ, ລ້ຽງສັດຢ່າງມີປະສິດທິຜົນຢູ່ທ້ອງຖິ່ນ. ທ່ານຮອງນາຍົກລັດຖະມົນຕີ ຫວູວັນນີງ ຮັບຮູ້ບັນດາໝາກຜົນທີ່ຕັ້ງໜ້າຢູ່ບັນດາທ້ອງຖິ່ນໃນການປ່ຽນໃໝ່ຮູບແບບການຜະລິດກະສິກຳ, ເພີ່ມປະສິດທິຜົນ ແລະ ເພີ່ມລາຍຮັບຕື່ມອີກໃຫ້ແກ່ປະຊາຊົນ; ພ້ອມທັງຕີລາຄາສູງການນຳຕາແສງ ອານວີ້ ເມື່ອປຸກລະດົມກຳລັງແຮງຂອງທົ່ວລະບົບການເມືອງ ແລະ ປະຊາຊົນເປັນຈຳນວນຫຼວງຫຼາຍເຂົ້າຮ່ວມ ເພື່ອປະຕິບັດໂຄງການຈຸດໝາຍແຫ່ງຊາດກໍ່ສ້າງຊົນນະບົດໃໝ່, ທ່ານຮອງນາຍົກລັດຖະມົນຕີ ຫວູວັນນີງ ສະເໜີວ່າ:
“ອຳນາດການປົກຄອງຕາແສງຄວນເຮັດໃຫ້ປະຊາຊົນສືບຕໍ່ຮັບຮູ້ໄດ້ວ່າ ນີ້ແມ່ນພາລະກິດຂອງປະຊາຊົນ, ແມ່ນວຽກງານຂອງປະຊາຊົນ ແລະ ປະຊາຊົນເປັນຜູ້ຊົມໃຊ້ຜົນປະໂຫຍດ. ຄວນປະຕິບັດໃຫ້ດີກ່ວາອີກ ເພື່ອໃຫ້ຊົນນະບົດໃໝ່ໝັ້ນຄົງ, ກ້າວເຂົ້າສູ່ປີ 2016 ມາດຖານກໍສ້າງຊົນນະບົດໃໝ່ຕ້ອງສູງກ່ວາ, ລາຍຮັບ ແລະ ຊີວິດການເປັນຢູ່ຂອງປະຊາຊົນກໍຕ້ອງສູງກ່ວາອີກ.”
ທ່ານຮອງນາຍົກລັດຖະມົນຕີ ຫວູວັນນີງ ກໍສະເໜີຕາແສງ ອານວີ້ ຕ້ອງເປັນເຈົ້າການເພີ່ມທະວີວຽກງານສົ່ງເສີມການຄ້າ, ກໍ່ສ້າງເຄື່ອງໝາຍໃຫ້ຜະລິດຕະພັນທີ່ເປັນເອກະລັກສະເພາະຂອງທ້ອງຖິ່ນ, ປະກອບສ່ວນຍົກສູງຄຸນຄ່າຂອງຜະລິດຕະພັນ.