ຮອງນາຍົກລັດຖະມົນຕີຫວູວັນນິງເຮັດວຽກັບການນຳຫຼັກແຫຼ່ງແຂວງຮ່າຢາງ
ຮອງນາຍົກລັດຖະມົນຕີຫວູວັນນິງເຮັດວຽກັບການນຳຫຼັກແຫຼ່ງແຂວງຮ່າຢາງ
(ພາບ: Đỗ Bình/TTXVN)
(vovworld) – ຕອນບ່າຍວັນທີ 17/12, ທ່ານຮອງນາຍົກລັດຖະມົນຕີ ຫວູວັນນິງ ໄດ້ລົງເຮັດວຽກກັບການນຳຫຼັກແຫຼ່ງແຂວງ ຮ່າຢາງ ເພື່ອກວດກາສະພາບການປະຕິບັດໜ້າທີ່ພັດທະນາເສດຖະກິດ-ສັງຄົມ, ວຽກງານຫລຸດຜ່ອນຄວາມທຸກຍາກ ແລະ ໂຄງການກໍ່ສ້າງຊົນນະບົດໃໝ່ຢູ່ ຮ່າຢາງ. ທ່ານຮອງນາຍົກລັດຖະມົນຕີ ຫວູວັນນິງ ໃສ່ໃຈແຂວງ ຮ່າຢາງ ຄວນດຳເນີນການສະຫລຸບບັນດາຮູບແບບພັດທະນາການຜະລິດ, ຮູບແບບຫລຸດຜ່ອນຄວາມທຸກຍາກ, ຈາກນັ້ນຜັນຂະຫຍາຍຮູບແບບຢ່າງກ້ວາງຂວາງບໍ່ພຽງແຕ່ຢູ່ແຂວງ ຮ່າຢາງ ເທົ່ານັ້ນ, ຫາກຍັງຢູ່ບັນດາແຂວງໃນເຂດອີກດ້ວຍ. ແຂວງ ຮ່າຢາງ ຄວນສຸມໃສ່ພັດທະນາເສດຖະກິດ-ສັງຄົມ ຢູ່ບັນດາເມືອງຫ່າງໄກສອກຫລີກ ເພື່ອຫລຸດຜ່ອນຄວາມທຸກຍາກຢ່າງແຮງກ່ວາ ແລະ ຍົກສູງຄຸນນະພາບການດຳລົງຊີວິດໃຫ້ແກ່ຊົນເຜົ່າສ່ວນໜ້ອຍຢ່າງບໍ່ຢຸດຢັ້ງ.
ສຳລັບໂຄງການກໍ່ສ້າງຊົນນະບົດໃໝ່, ທ່ານຮອງນາຍົກລັດຖະມົນຕີ ຫວູວັນນິງ ໃສ່ໃຈແຂວງ ຮ່າຢາງ ຄວນສືບຕໍ່ຕິດຕາມກວດກາ, ເພີ່ມເຕີມແຜນຜັງໃຫ້ມີຄຸນນະພາບສູງກ່ວາ. ບັນດາຕາແສງກໍ່ສ້າງຊົນນະບົດໃໝ່ຕ້ອງຮັກສາໄດ້ສີສັນວັດທະນະທຳຂອງບັນດາຊົນເຜົ່າສ່ວນໜ້ອຍ ຮ່າຢາງ ໄວ້.