ທ່ານຮອງນາຍົກລັດຖະມົນຕີ ຫວູວັນນີງ ຢ້ຽມຢາມແຂວງ ກາເມົາ
(vovworld) – ຕອນບ່າຍວັນທີ 28/7, ທ່ານຮອງນາຍົກລັດຖະມົນຕີ ຫວູວັນນີງ ພ້ອມກັບຄະນະປະຕິບັດງານລັດຖະບານໄດ້ລົງຢ້ຽມຢາມ ແລະ ກວດກາການປະຕິບັດໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ຢູ່ຕາແສງ ແຄ໋ງອານ, ເມືອງ ອູມິງ, ແຂວງ ກາເມົາ ແລະ ຢ້ຽມຢາມເຂດ ອາຍແກດ - ໄຟຟ້າ - ຟຸ່ນອູເຣ ກາເມົາໃນບໍລິເວນຕາແສງ ແຄ໋ງອານ. ເມື່ອໂອ້ລົມກັບພະນັກງານ, ກຳມະກອນໂຮງງານອາຍແກດ - ໄຟຟ້າ - ຟຸ່ນອູເຣ ກາເມົາ, ທ່ານຮອງນາຍົກລັດຖະມົນຕີ ຫວູວັນນີງ ຕີລາຄາສູງຄວາມມານະພະຍາຍາມຫັນໂຄງການຟຸ່ນອູເຣ ກາເມົາເປັນຫຸ້ນສ່ວນ, ເຖິງຢ່າງໃດກໍ່ຕາມ, ທ່ານຮອງນາຍົກລັດຖະມົນຕີ ຫວູວັນນີງ ຖືວ່າ: ບໍລິສັດຕ້ອງວາງອອກວິວັດທະນາການຜະລິດເພື່ອຮັບມືກັບການເຄື່ອນເໜັງລາຄາອຸປະກອນສົ້ນເຂົ້າ, ແກ້ໄຂສິດຜົນປະໂຫຍດຂອງວິສາຫະກິດ ແລະ ຜູ້ບໍລິໂພກເປັນຢ່າງດີ.
ເມື່ອກວດກາການປະຕິບັດໂຄງການກໍ່ສ້າງຊົນນະບົດໃໝ່ຢູ່ຕາແສງ ແຄ໋ງອານ, ເມືອງ ອູມິງ, ທ່ານຮອງນາຍົກລັດຖະມົນຕີ ຫວູວັນນີງ ໃສ່ໃຈວ່າ: ທ້ອງຖີ່ນຕ້ອງຍູ້ແຮງການສ້າງໂຄງປະກອບກະສິກຳຄືນໃໝ່, ປະຕິບັດການຮ່ວມສຳພັນໃນການຜະລິດ, ຍູ້ແຮງການນຳໃຊ້ວິທະຍາສາດ, ເຕັກນິກເຂົ້າໃນການຜະລິດກະສິກຳ. ພິເສດ, ໃນວິວັດການກໍ່ສ້າງຊົນນະບົດໃໝ່, ທ້ອງຖີ່ນຕ້ອງເດັດດ່ຽວ, ລະດົມກຳລັງແຮງຂອງປະຊາຊົນເປັນປະຈຳ.