![ຮອງນາຍົກລັດຖະມົນຕີຫວຽດນາມເວືອງດິ່ງເຮະເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງຂະແໜງສະສົມແຫ່ງລັດ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_08_05/pttg%20vuong%20dinh%20hue%20du%20ly%20kiem%2060%20nam%20thanh%20lap%20nganh%20du%20tru.jpg)
ທ່ານ ເວືອງດິ່ງເຫ້ວທີ່ກອງປະຊຸມ
(vovworld)- ໃນຕອນເຊົ້າ ວັນທີ 5/8, ກົມໃຫຍ່ສະສົມແຫ່ງລັດ ຈັດພິທີສະເຫຼີມສະຫຼອງວັນມູນເຊື້ອຂະແໜງສະສົມແຫ່ງລັດ ຄົບຮອບ 60 ປີ (7/8/1956-7/8/2016) ແລະ ຕ້ອນຮັບຫຼຽນໄຊເອກະລາດຊັ້ນ 1. ກ່າວຄວາມເຫັນທີ່ພິທີ, ທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຮະ ຍ້ອງຍໍສັນລະເສີນ ບັນດາຜົນສຳເລັດອັນໃຫຍ່ຫຼວງ ທີ່ຂະແໜງສະສົມແຫ່ງຊາດຍາດມາໄດ້. ຢືນຢັນວ່າ: ໜຶ່ງໃນບັນດາໜ້າທີ່ສຳຄັນແຖວໜ້າ ໃນການເຄື່ອນໄຫວສະສົມແຫ່ງລັດ ເປັນການຄຸ້ມຄອງທີ່ມີຄວາມປອດໄພ ກ່ຽວກັບປະລິມານ ແລະ ຄຸນນະພາບ ສິນຄ້າສະສົມແຫ່ງຊາດ , ທ່ານ ຮອງນາຍົກລັດຖະມົນຕີ ຮຽກຮອງໃຫ້ຂະແໜງ ສຸມໃສ່ຍົກສູງລະດັບວິຊາສະເພາະ ດ້ານວິຊາການ ຕາມທິດລັກສະນະອາຊີບ ຜ່ານການຍູ້ແຮງວຽກງານຄົ້ນຄວ້າວິທະຍາສາດ ເພື່ອຄັດເລືອກເຕັກໂນໂລຢີຄຸ້ມຄອງຮັກສາທີ່ກ້າວໜ້າ, ກໍ່ສ້າງບັນດາມາດຕະຖານເຕັກນິກແຫ່ງຊາດ, ຍູ້ແຮງການນຳໃຊ້ເຕັກໂນໂລຢີຂໍ້ມູນຂ່າວສານ, ປັບປຸງລະບຽບການບໍລິຫານ. ທ່ານ ຮອງນາຍົກລັດຖະມົນຕີ ຮຽກຮ້ອງໃຫ້ຂະແໜງ ສຸມໃສ່ລະດົມບັນດາແຫຼ່ງການເງິນພາຍໃນ ແລະ ນອກຂະແໜງ ເພື່ອສ້າງລະບົບສາງສະສົມແຫ່ງຊາດ ໃຫ້ທັນສະໄໝຕາມແຜນການທີ່ໄດ້ຮັບອະນຸມັດ; ເພີ່ມທະວີວຽກງານຄຸ້ມຄອງການເງິນ, ປະຕິບັດການປະຢັດ, ຕ້ານການສໍ້ລາດບັງຫຼວງ, ຟຸມເຟືອຍ, ຮັບປະກັນແຫຼ່ງການເງິນ ໃຫ້ບັນດາການເຄື່ອນໄຫວຄຸ້ມຄອງຮັກສາ, ນຳເຂົ້າ, ສົ່ງອອກ, ກູ້ຊ່ວຍ, ໜູນຊ່ວຍ ແລະ ອຸປະຖຳ.