(ທ່ານ ຮ່ວາງຈູງຫາຍ ດຳລົງຕຳແໜ່ງ
ເລຂາທິການຄະນະພັກນະຄອນຮ່າໂນ້ຍ)
(vovworld) – ຕອນເຊົ້າວັນທີ 05/02, ຄະນະພັກນະຄອນ ຮ່າໂນ້ຍ ຈັດຕັ້ງພິທີປະກາດຂໍ້ຕົກລົງຂອງກົມການເມືອງສຳລັບຕຳແໜ່ງເລຂາທິການຄະນະພັກນະຄອນ ຮ່າໂນ້ຍ. ທ່ານ ຟ້າມມີງຈີ໋ງ, ຫົວໜ້າຄະນະຈັດຕັ້ງສູນກາງ ໄດ້ອ່ານຂໍ້ຕົກລົງຂອງກົມການເມືອງ ແຕ່ງຕັ້ງ ທ່ານ ຮ່ວາງຈູງຫາຍ ກຳມະການກົມການເມືອງ, ຮອງນາຍົກລັດຖະມົນຕີ ເຂົ້າຮ່ວມຄະນະປະຈຳຄະນະພັກນະຄອນ ຮ່າໂນ້ຍ ແລະ ດຳລົງຕຳແໜ່ງເປັນເລຂາທິການຄະນະພັກນະຄອນ ຮ່າໂນ້ຍ.
ກ່າວຄຳເຫັນທີ່ພິທີປະກາດຂໍ້ຕົກລົງ, ທ່ານ ດິງເທ໋ຮີງ, ຜູ້ປະຈຳການຄະນະເລຂາທິການໃຫ້ຮູ້ວ່າ: ກົມການເມືອງ ຫາກໍປະຊຸມແບ່ງງານ ແລະ ໄດ້ເຫັນດີເປັນເອກະພາບສູງແຕ່ງຕັ້ງໃຫ້ທ່ານ ຮ່ວາງຈູງຫາຍ ເລຂາຄະນະພັກນະຄອນ ຮ່າໂນ້ຍ ອາຍຸການ 2016 – 2021. ທ່ານ ຮ່ວາງຈູງຫາຍ ເປັນພະນັກງານທີ່ມີຄວາມສາມາດ, ເປັນສະມາຊິກຄະນະບໍລິຫານງານສູນກາງພັກໃນຫລາຍອາຍຸການ ແລະ ຮັກສາຫລາຍຕຳແໜ່ງສຳຄັນ ແລະ ຫວ່າງແລ້ວນີ້ ແມ່ນຮັກສາຕຳແໜ່ງເປັນຮອງນາຍົກລັດຖະມົນຕີໃນ 2 ອາຍຸການລຽນຕິດຜ່ານມາ. ກົມການເມືອງ ເຊື່ອໝັ້ນວ່າ: ທ່ານ ຮ່ວາງຈູງຫາຍ ຍາມໃດກໍ່ເສີມຂະຫຍາຍຄວາມສາມາດ, ບົດຮຽນ ແລະ ຄຸນນະທາດຂອງຕົນ ພ້ອມກັບຄະນະປະຈຳຄະນະພັກນະຄອນ ແລະ ອົງຄະນະພັກນະຄອນ ຮ່າໂນ້ຍ ປະຕິບັດບັນດາໜ້າທີ່ສຳຄັນ ແລະ ມະຕິກອງປະຊຸມໃຫຍ່ຄັ້ງທີ 12 ຂອງພັກຢ່າງມີໄຊ.