ຮອງນາຍົກລັດຖະມົນຕີຮ່ວາງຈູງຫາຍເປັນປະທານກອງປະຊຸມຜ່ານເຄືອຂ່າຍອີນເຕີເນັດ,ປ້ອງກັນ,ຕ້ານພາຍຸRammasun
ທ່ານຮອງນາຍົກລັດຖະມົນຕີ ຮ່ວາງຈູງຫາຍ
(ພາບປະກອບ)
(vovworld) – ຕາມສູນອຸຕຸນິຍົມ ແລະ ອຸທົກກະສາດສູນກາງແລ້ວ, ເວລາ 4 ໂມງວັນທີ 17/7, ສູນກາງຂອງພາຍຸຫ່າງຈາກໝູ່ເກາະ ຮ່ວາງຊາ ໄປທາງທິດຕາເວັນອອກ - ຕາເວັນອອກສ່ຽງໃຕ້ປະນາມ 460 ກມ. ຄວາມແຮງຂອງລົມແມ່ນແຮງທີ່ສຸດຢູ່ສູນກາງພາຍຸແມ່ນຈາກ 118 – 149 ກມ/ຊົ່ວໂມງ.
ນີ້ແມ່ນພາຍຸລູກແຮງທີ່ສຸດ, ເຄື່ອນຍ້າຍໄວ ແລະ ມີການຜັນແປຢ່າງສັບສົນ. ຕໍ່ໜ້າການຜັນແປຂອງພາຍຸ, ຕອນເຊົ້າວັນທີ 17/7, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເປັນປະທານກອງປະຊຸມຜ່ານເຄືອຂ່າຍອີນເຕີເນັດຂອງຄະນະຊີ້ນຳປ້ອງກັນ, ຕ້ານພາຍຸນ້ຳຖ້ວມສູນກາງ ກັບບັນດາທ້ອງຖີ່ນຄາດວ່າຈະຖືກຜົນສະທ້ອນຂອງພາຍຸເພື່ອກະກຽມວິທີຍົກຍ້າຍປະຊາຊົນຢູ່ບັນດາເຂດອັນຕະລາຍ, ສຸມກຳລັງ, ກຽມພ້ອມພາຫະນະເພື່ອຮັບມືກັບພາຍຸພັດເຂົ້າດິນຕໍ່ແຜ່ນ.
ຕໍ່ໜ້າທໍລະນີສູນກາງຂອງພາຍຸເຄື່ອນເຂົ້າແຂວງ ກວາງນິງ, ຫາຍຟ່ອງ, ຕອນເຊົ້າວັນທີ 17/7, ແຂວງ ກວາງນິງ ໄດ້ອອກຄຳສັ່ງຕ້ານການເຄື່ອນໄຫວຢູ່ທະເລ ພ້ອມທັງຮຽກຮ້ອງໃຫ້ທຸກໆທ້ອງຖີ່ນປະກາດໃຫ້ປະຊາຊົນ, ຊາວປະມົງໄດ້ຮັບຊາບກ່ຽວກັບການຜັນແປຂອງພາຍຸ, ກະກຽມບັນດາວິທີຮັບມື. ທ່ານ ຟ້າມມິງຮ່ວາ, ຫົວໜ້າຫ້ອງການຄະນະບັນຊາການປ້ອງກັນ, ຕ້ານໄພພິບັດທຳມະຊາດ ແລະ ຊອກຫາກູ້ໄພກູ້ຊີບແຂວງ ກວາງນິງ, ໃຫ້ຮູ້ວ່າ:
“ອົງການຂຸດຄົ້ນປົກປັກຮັກສາສິນໃນນ້ຳຂອງແຂວງຈະສືບຕໍ່ຕິດຕໍ່ພົວພັນກັບບັນດາກຳ່ປັ່ນພວມຫາປາຢູ່ໄກຝັ່ງ ແລະ ພໍ່ແມ່ປະຊາຊົນ, ຮຽກຮ້ອງໃຫ້ກັບເມືອດິນຕໍ່ແຜ່ນໃນທັນທີ ແລະ ບ່ອນຫຼີກໄພ, ຍົກຍ້າຍປະຊາຊົນໄປຍັງເຂດປອດໄພ. ສະເພາະກຳປັ່ນຫາປາໃກ້ຝັ່ງ, ພາຍຫຼັງໄດ້ຮັບສຳສັ່ງຫ້າມການເຄື່ອນໄຫວໃນທະເລພຽງ 2, 3 ຊົ່ວໂມງກໍ່ເຂົ້າບ່ອນຫຼີກພາຍຸຢ່າງປອດໄພ.”