ຮອງນາຍົກລັດຖະມົນຕີເຈືອງຮ່ວາບິ່ງເຮັດວຽກຢູ່ແຂວງກວາງນິງ
ທ່ານຮອງນາຍົກລັດຖະມົນຕີເຈືອງຮ່ວາບິ່ງເຮັດວຽກຢູ່ແຂວງກວາງນິງ
(ພາບ: TTXVN)
(vovworld) - ວັນທີ 13/04, ຢູ່ນະຄອນຫ້າລອງ, ທ່ານຮອງນາຍົກລັດຖະມົນຕີ ເຈືອງຮ່ວາບິ່ງ ໄດ້ມີການເຮັດວຽກກັບແຂວງກວາງນິງ ກ່ຽວກັບການສ້າງແຜນຮ່າງເຂດບໍລິຫານເສດຖະກິດພິເສດ ເວີນດົ່ນ ເພື່ອກະກຽມໃຫ້ການສ້າງຮ່າງກົດໝາຍວ່າດ້ວຍຫົວໜ່ວຍບໍລິຫານເສດຖະກິດພິເສດເພື່ອຍື່ນສະເໜີຕໍ່ສະພາແຫ່ງຊາດ. ທີ່ການເຮັດວຽກ, ທ່ານຮອງນາຍົກລັດຖະມົນຕີ ເຈືອງຮ່ວາບິ່ງ ເນັ້ນໜັກວ່າ: ຄວາມຮຽກຮ້ອງຕ້ອງການທີ່ໄດ້ວາງອອກສຳລັບການກໍ່ສ້າງເຂດບໍລິຫານ - ເສດຖະກິດພິເສດເວີນດົ່ນ ນັ້ນແມ່ນຕ້ອງສ້າງກົງຈັກບໍລິຫານທັນສະໄໝ, ກະທັດລັດ, ມີຜົນສັກສິດ, ປະສິດທິຜົນ, ໄດ້ຮັບການແບ່ງຂັ້ນຢ່າງແຮງກ່ຽວກັບສິດອຳນາດໃນການຄຸ້ມຄອງ; ສ້າງຕັ້ງບັນດາລະບຽບການບໍລິຫານ; ການລົງທຶນ, ການຄ້າຕາມມາດຖານສາກົນ… ທ່ານຮອງນາຍົກລັດຖະມົນຕີຮຽກຮ້ອງໃຫ້ແຂວງກວາງນິງ ຕ້ອງເປັນເຈົ້າການ, ສ້າງ ແລະ ສະເໜີບັນດານະໂຍບາຍບຸລິປະສິດສະເພາະໂດຍໄວ, ພິເສດແມ່ນສຳລັບເວີນດົ່ນ ເພື່ອລະບຸໄວ້ໃນກົດໝາຍ, ຮັບປະກັນລັກສະນະພົ້ນເດັ່ນ, ມີກຳລັງແກ່ງແຍ້ງກັບພາກພື້ນ ແລະ ສາກົນຢ່າງພຽງພໍ.