ທ່ານ ຮອງນາຍົກລັດຖະມົນຕີ ເວືອງດີງເຫວ້
ເຮັດວຽກກັບແຂວງຕວຽນກວາງ
(vovworld) – ວັນທີ 18/06 ທ່ານຮອງນາຍົກລັດຖະມົນຕີ ຫວຽດນາມ ເວືອງດີງເຫວ້ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ຕວຽນກວາງ. ທີ່ການເຮັດວຽກກັບການນຳແຂວງ ຕວຽນກວາງ ທ່ານຮອງນາຍົກລັດຖະມົນຕີ ເວືອງດີງເຫວ້ ສະເໜີແຂວງ ຕວຽນກວາງ ສຸມໃສ່ຍູ້ແຮງການລົງທຶນພາກລັດ, ພິເສດແມ່ນການໃຊ້ຈ່າຍພາກລັດ, ແກ້ໄຂບັນດາສິ່ງທີ່ຍັງຄົງຂ້າງ, ຫຍຸ້ງຍາກ ເພື່ອຍູ້ໄວຄວາມຄືບໜ້າໃນການລົງທຶນພາກລັດ, ທ່ານຮອງນາຍົກລັດຖະມົນຕີ ເນັ້ນໜັກວ່າ: ແຂວງ ຕວຽນກວາງ ຄວນເຮັດແຈ້ງບັນດາທິດທາງສ້າງໂຄງປະກອບຂະແໜງກະສິກຳຄືນໃໝ່, ຈຸດສຸມກ່ຽວກັບການພັດທະນາອຸດສາຫະກຳ, ການທ່ອງທ່ຽວ, ການບໍລິການ ກໍ່ຄືການພັດທະນາວິສາຫະກິດ ແລະ ຊັບຊ້ອນຄືນໃໝ່ບັນດາບໍລິສັດກະສິກຳ, ປ່າໄມ້. ແຂວງ ຕວຽນກວາງ ແມ່ນແຂວງທີ່ມີຄວາມສາມາດບົ່ມຊ້ອນ ທ່າແຮງກ່ຽວກັບການທ່ອງທ່ຽວ ດ້ວຍປູຊະນີຍະຖານປະຫວັດສາດເກືອບ 500 ແຫ່ງ, ທ່ານຮອງນາຍົກລັດຖະມົນຕີ ເວືອງດີງເຫວ້ ສະເໜີແຂວງ ຕວຽນກວາງ ສຸມໃສ່ພັດທະນາການທ່ອງທ່ຽວປະຫວັດສາດ, ການທ່ອງທ່ຽວກັບເມືອກົກເຄົ້າເຫງົ້າກໍ, ການຢ້ຽມຢາມ, ພັກຜ່ອນບຳລຸງສຸຂະພາບ, ປີ່ນປົວພະຍາດ ແລະ ທ່ອງທ່ຽວຊີວະພາບ.