ທ່ານຮອງນາຍົກລັດຖະມົນຕີ ຫວູວັນນິງ ເປັນປະທານກອງ
ປະຊຸມຂອງຄະນະປະຈຳການຄະນະຊີ້ນຳ
(ພາບ: VGP/Thanh Chung)
(vovworld) – ຕອນບ່າຍວັນທີ 3/6, ທ່ານຮອງນາຍົກລັດຖະມົນຕີ ຫວູວັນນິງ, ຫົວໜ້າຄະນະຊີ້ນຳແຫ່ງຊາດກ່ຽວກັບການຫລຸດຜ່ອນຄວາມທຸກຍາກແບບຍືນຍົງ, ເປັນປະທານກອງປະຊຸມຂອງຄະນະປະຈຳການຄະນະຊີ້ນຳ, ໃຫ້ຄວາມເຫັນກ່ຽວກັບແຜນນະໂຍບາຍລົງທຶນໃຫ້ໂຄງການຈຸດໝາຍແຫ່ງຊາດຫລຸດຜ່ອນຄວາມທຸກຍາກແບບຍືນຍົງໄລຍະ 2016 – 2020. ຈຸດໝາຍສັງເຂບຂອງໂຄງການຫລຸດຜ່ອນຄວາມທຸກຍາກໄລຍະໃໝ່ແມ່ນຍູ້ແຮງຄວາມໄວໃນການຫລຸດຜ່ອນຄວາມທຸກຍາກ, ຈຳກັດຄວາມທຸກຍາກຄືນໃໝ່; ສ້າງເງື່ອນໄຂສະດວກເພື່ອໃຫ້ຄົນທຸກຍາກ, ຄອບຄົວທຸກຍາກຢູ່ບັນດາເຂດທຸກຍາກ ໄດ້ສຳພັດກັບບັນດາການບໍລິການສັງຄົມໂດຍພື້ນຖານໃຫ້ດີທີ່ສຸດ, ປະກອບສ່ວນໃຫ້ຫລຸດຜ່ອນຈຳນວນຄອບຄົວທຸກຍາກສະເລ່ຍທົ່ວປະເທດແຕ່ 1 – 1.5%/ປີ. ທ່ານຮອງນາຍົກລັດຖະມົນຕີ ຫວູວັນນິງສະເໜີໃຫ້ບັນດາກະຊວງ, ຂະແໜງການສືບຕໍ່ກຳນົດບັນດາໂຄງການທີ່ຮັບໃຊ້ໃຫ້ວຽກງານຫລຸດຜ່ອນຄວາມທຸກຍາກຢ່າງລະອຽດກ່ວາ, ຈັດແບ່ງທຶນໃນລະດັບສູງສຸດທີ່ສາມາດເປັນໄປໄດ້ໃຫ້ໂຄງການ.