(vovworld) - ຕອນບ່າຍວັນທີ 28/11, ຢູ່ສຳນັກງານປະທານປະເທດ, ທ່ານນາງຮອງປະທານປະເທດ ຫງວຽນທິຢວານ ໄດ້ໃຫ້ການຕ້ອນຮັບຄະນະຜູ້ແທນອະດີດນັກໂທດການເມືອງ, ສະເລິຍເສິກເມືອງ 6, ນະຄອນໂຮ່ຈິມິນ 53 ຄົນ ເນື່ອງໃນໂອກາດຄະນະມາຢ້ຽມຢາມນະຄອນຫຼວງ ແລະ ເຂົ້າຢ້ຽມສູ້ສານປະທານໂຮ່ຈິມິນ. ກ່າວຄຳເຫັນທີ່ການຕ້ອນຮັບ, ທ່ານນາງຮອງປະທານປະເທດ ຫງວຽນທິຢວານ ໄດ້ຍ້ອງຍໍສັນລະເສີນບັນດາຄວາມມານະພະຍາຍາມຂອງອົງຄະນະພັກ, ອຳນາດການປົກຄອງເມືອງ 6 ນະຄອນໂຮ່ຈິມິນ ຍາມໃດກໍປະຕິບັດໜ້າທີ່ການເມືອງຂອງທ້ອງຖິ່ນເປັນຢ່າງດີ, ພັດທະນາຖະກິດຢ່າງເປັນປົກກະຕິ, ຮັກສາສະຖຽນລະພາບດ້ານການເມືອງ, ຄວາມປອດໄພທາງສັງຄົມ, ປົວແປ່ງຊີວິດການເປັນຢູ່ຂອງປະຊາຊົນເທື່ອລະກ້າວ, ຮັບປະກັນຊີວິດສັງຄົມ, ເອົາໃຈໃສ່, ເບິ່ງແຍງຊີວິດທາງດ້ານວັດຖຸ, ຈິດໃຈໃຫ້ແກ່ອະດີດນັກໂທດການເມືອງ, ສະເລິຍເສິກ, ຜູ້ມີຄຸນງາມຄວາມດີຕໍການປະຕິວັດຢ່າງທັນການ. ທ່ານນາງຮອງປະທານປະເທດ ຫງວຽນທິຢວານ ຫວັງວ່າ ບັນດາອະດີດນັກໂທດການເມືອງ, ສະເລິຍເສິກເມືອງ 6, ນະຄອນໂຮ່ຈິມິນ ຈະສືບຕໍ່ເສີມຂະຫຍາຍຈິດໃຈກ້າຫານ, ຜ່ານຜ່າຄວາມຫຍຸ້ງຍາກ, ສືບຕໍ່ແມ່ນແບບຢ່າງໃຫ້ລຸກຫຼານຮໍ່າຮຽນຕາມ, ຕັ້ງໜ້າເຂົ້າຮ່ວມບັນດາຂະບວນການຢູ່ທ້ອງຖິ່ນ, ປະກອບສ່ວນສ້າງສາບ້ານເກີດເມືອງນອນໃຫ້ນັບມື້ນັບຮັ່ງມີ ແລະ ສ່ວຍງາມກວ່າອີກ.