(ພາບປະກອບ: baosonla.org.vn)
(vovworld) - ຕອນເຊົ້າວັນທີ 06 ກັນຍາ, ທ່ານນາງຮອງປະທານປະເທດຫວຽດນາມ ຫງວຽນທິຢວານ ພ້ອມກັບຄະນະປະຕິບັດງານສູນກາງ ໄດ້ລົງຢື້ຢາມຖາມຂ່າວ, ລະດົມໃຈ ແລະ ມອບຂອງຂວັນໃຫ້ແກ່ພໍ່ແມ່ປະຊາຊົນບັນດາເຜົ່າຢູ່ຕາແສງ ຮຸຍເຕີນ, ເມືອງຟູ່ອຽນ, ແຂວງເຊີນລາ. ຢູ່ທີ່ນີ້, ທ່ານນນາງຮອງປະທານປະເທດ ຫງວຽນທິຢວານ ໄດ້ມອບຂອງຂວັນ 30 ພູດ, ແຕ່ລະພູດມີມູນຄ່າ 1 ລ້ານດົງໃຫ້ແກ່ບັນດາຄອບຄົວເປົ້າໝາຍນະໂຍບາຍ, ຄອບຄົວປະສົບກັບຄວາມຫຍຸ້ງຍາກ, ຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນຢູ່ຕາແສງ ຮຸຍເຕີນ. ທ່ານນນາງຮອງປະທານປະເທດ ພ້ອມກັບຜູ້ຕາງໜ້າສະພາກາແດງຫວຽດນາມ ກໍ່ໄດ້ມອບງົວ 100 ໂຕ, ແຕ່ລະໂຕມີມູນຄ່າ 10 ລ້ານດົງ, ໃນໂຄງການທະນາຄານງົວ ໃຫ້ແກ່ບັນດາຄອບຄົວເປົ້າໝາຍນະໂຍບາຍ, ປະສົບກັບຄວາມຫຍຸ້ງຍາກເປັນພິເສດຂອງ 2 ຕາແສງໃນບໍລິເວັນແຂວງ ຟູ່ອຽນ. ຮັບຮູ້ບັນດາຜົນງານເຊິ່ງຕາແສງຮຸຍເຕີນ ບັນລຸໄດ້, ທ່ານນາງຮອງປະທານປະເທດ ຫງວຽນທິຢວານ ກໍ່ຢືນຢັນວ່າ ໃນໄລຍະຈະມາເຖິງ ລັດ ຈະສືບຕໍ່ປະຕິບັດໂຄງການ 30a ກ່ຽວກັບການຫຼຸດຜ່ອນຄວາມທຸກຍາກຢ່າງໄວ ແລະ ຍືນຍົງຢ່າງມີປະສິດທິຜົນ, ຈາກນັ້ນປະກອບສ່ວນປັບປຸງຊີວິດການເປັນຢູ່ຂອງປະຊາຊົນເຂດຊົນບັນດາເຜົ່າສ່ວນໜ້ອຍ, ເຂດຫ່າງໄກ່ຊອກຫຼີກ.