(vovworld) - ຕອນບ່າຍວັນທີ 1/6, ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ພ້ອມກັບການນຳກະຊວງສາທາລະນະສຸກ, ກະຊວງແຮງງານ - ທະຫານເສຍອົງຄະ ແລະ ສັງຄົມ ລົງຢ້ຽມຢາມຖາມຂ່າວ, ມອບຂອງຂວັນໃຫ້ເດັກ 70 ຄົນທີ່ເປັນໂລກມະເຮັງທີ່ພວມປິ່ນປົວພະຍາດຢູ່ພະແນກເດັກນ້ອຍ, ໂຮງໝໍ K ຮາກຖານ ເຕີນຈ່ຽວ, ຮ່າໂຮ້ຍ. ຂອງຂວັນແຕ່ລະພູດມີມູນຄ່າກ່ວາ 2 ລ້ານດົ່ງ. ເມື່ອແບ່ງປັນກັບຄວາມຫຍຸ້ງຍາກຂອງແຕ່ລະຄອບຄົວ, ທ່ານນາງຮອງປະທານປະເທດ ຫງວຽນທິຢວານ ຢືນຢັນວ່າ: ລັດ, ທຸກຂັ້ນ, ທຸກຂະແໜງການ ແລະ ບັນດາທ່ານໝໍຈະຊ່ວຍເຫຼືອຈົດສຸດຄວາມສາມາດຂອງຕົນ ເພື່ອປິ່ນປົວໃຫ້ພວກຫຼານ. ທ່ານນາງຮອງປະທານປະເທດ ຫງວຽນທິຢວານ ຢືນຢັນວ່າ:
“ໃນໄລຍະຈະມາເຖິງ, ຢູ່ທີ່ນີ້ຄົນເຈັບສ່ວນຫຼາຍໄດ້ເປັນໂລກມະເຮັງຄວາມເປັນ ແລະ ຄວາມຕາຍແມ່ນບໍ່ແນ່ນອນ, ດັ່ງນັ້ນຂ້າພະເຈົ້າຫວັງວ່າ ບັນດາທ່ານໝໍຈົ່ມມານະພະຍາຍາມຈົນສຸດຄວາມສາມາດຂອງຕົນ. ກ່ອນອື່ນໝົດແມ່ນກູ້ເອົາຊີວິດຂອງຄົນເຈັບໃຫ້ຫລຸດຜົ້ນອອກຈາກອາການຮຸນແຮງ, ຫຼັງຈາກນັ້ນແມ່ນປິ່ນປົວໃຫ້ເປັນຢ່າງດີ, ເຮັດແນວໃດເພື່ອໃຫ້ຄອບຄົວພວກຫຼານເຊື່ອໝັ້ນ ແລະ ພິເສດແມ່ນນຳມາເຊິ່ງຄວາມຫວັງມາໃຫ້ພວກຫຼານ.”