ທ່ານນາງຮອງປະທານປະເທດ ຫງວຽນທິຢວານ ພົບປະ
ສັງສັນກັນນັກອຸດສາຫະກຳການຄ້າທີ່ດີເດັ່ນປີ 2015
(ພາບ: TTXVN)
(vovworld) – ຕອນບ່າຍວັນທີ 3/10, ຢູ່ສຳນັກງານປະທານປະເທດ ຫວຽດນາມ, ທ່ານນາງຮອງປະທານປະເທດ ຫງວຽນທິຢວານ ໄດ້ພົບປະສັງສັນກັນຜູ້ຕາງໜ້າບັນດາຄອບຄົວນັກທຸລະກິດໄລຍະກ່ອນການລຸກຮຶ້ຂຶ້ນ ແລະ ນັກອຸດສາຫະກຳການຄ້າ ຫວຽດນາມ ທີ່ດີເດັ່ນປີ 2015, ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນປະທານໂຮ່ຈີມິນຝາກຈົດໝາຍໃຫ້ວົງການນັກອຸດສາຫະກຳການຄ້າ. ທ່ານນາງຮອງປະທານປະເທດສະເໜີບັນດານັກທຸລະກິດຕ້ອງເພີ່ມທະວີການລົງທຶນບຳລຸງສ້າງແຫຼ່ງຊັບພະຍາກອນມະນຸດ. ສະໂມສອນບັນດານັກອຸດສາຫະກຳການຄ້າ ຫວຽດນາມ ຕ້ອງອັບເດັດຂໍ້ມູນຂ່າວສານໃຫ້ບັນດານັກທຸລະກິດຂອງຕົນກ່ຽວກັບການເຊື່ອມໂຍງເສດຖະກິດ, ປະຊາຄົມວິສາຫະກິດ ອາຊຽນ, ບັນດາໂອກາດ ແລະ ສິ່ງທ້າທາຍທີ່ໄດ້ວາງອອກ ເພື່ອມີການກະກຽມ ເມື່ອປະຊາຄົມໄດ້ຮັບການສ້າງຕັ້ງ ແລະ ເຂົ້າການເຄື່ອນໄຫວໃນທ້າຍປີນີ້.