ຮອງປະທານປະເທດຫງວຽນທິຢວານພົບປະກັບຜູ້ມີສິດເລືອກຕັ້ງແຂວງຮ່ານາມ
ທ່ານນາງຮອງປະທານປະເທດ ຫງວຽນທິຢວານ
(ພາບອິນເຕີນແນັດ)
(vovworld) – ທີ່ການພົບປະກັບຜູ້ມີສິດເລືອກຕັ້ງໃນວັນທີ 30/9, ທ່ານນາງຮອງປະທານປະເທດ ຫງວຽນທິຢວານ ໄດ້ຮັບຟັງ ແລະ ອະພິປາຍບັນດາຄວາມເຫັນ, ຂໍ້ສະເໜີຂອງຜູ້ມີສິດເລືອກຕັ້ງແຂວງ ຮ່ານາມ. ທ່ານນາງຮອງປະທານປະເທດ ສະເໜີແຂວງ ຮ່ານາມ ຮັບປະກັນຄວາມສົມດູນດ້ານງົບປະມານຂອງທ້ອງຖິ່ນ, ປຸກລະດົມບັນດາແຫຼ່ງທຶນໃນສັງຄົມ ເພື່ອໜູນຊ່ວຍການເຄື່ອນໄຫວຂອງສາຂາສະມາຄົມ, ອົງການຈັດຕັ້ງມະຫາຊົນຢ່າງມີປະສິດທິຜົນກ່ວາ; ສືບຕໍ່ເອົາໃຈໃສ່ກໍ່ສ້າງຊົນນະບົດໃໝ່; ເພີ່ມທະວີຄວາມປອດໄພ ແລະ ສຸຂະອະນາໄມດ້ານອາຫານໃນບໍລິເວນ...ທ່ານນາງຮອງປະທານປະເທດ ໃສ່ໃຈ ຮ່ານາມ ຕ້ອງເອົາໃຈໃສ່ແກ້ໄຂບັນຫາສິ່ງແວດລ້ອມຢູ່ບັນດາເຂດອຸດສາຫະກຳຄື: ກຳຈັດສິ່ງເສດເຫຼືອ, ຮັບປະກັນອະນາໄມແຫຼ່ງນ້ຳ, ສ້ອມແປງທາງຄົມມະນາຄົມທີ່ຖືກເປ່ເພຢ່າງວ່ອງໄວ…ນອກນັ້ນ, ໃນວຽກງານບຳລຸງສ້າງວິຊາຊີບ ຕ້ອງເອົາໃຈໃສ່ເປັນພິເສດເຖິງການສຶກສາດ້ານສະຕິ, ແບບແຜນການເຮັດວຽກໃຫ້ກຳມະກອນຢູ່ເຂດອຸດສາຫະກຳ