ທ່ານນາງ Nguyen Thi Kim Ngan ວາງພວງມາລາຢູ່ສຸສານນັກຮົບເສຍສະຫຼະຊີວິດຢູ່ແຂວງ Ben Tre
(ພາບ:daibieunhandan.vn)
( vovworld ) – ວັນທີ 9/7, ທ່ານນາງຮອງປະທານສະພາແຫ່ງຊາດຫວຽດນາມ Nguyen Thi Kim Ngan ໄດ້ລົງພົບປະກັບຜູ້ມີສິດເລືອກຕັ້ງແຂວງ Ben Tre ແລະ ເຂົ້າຮ່ວມວາລະໄຂກອງປະຊຸມສະໄໝສາມັນເທື່ອທີ 4 ສະພາປະຊາຊົນແຂວງຊຸດທີ 8 (ອາຍຸການ 2011-2016). ທ່ານນາງຮອງປະທານສະພາແຫ່ງຊາດໄດ້ແຈ້ງໂດຍສັງເຂບກ່ຽວກັບໝາກຜົນຂອງກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຫວຽດນາມຊຸດທີ 13 ທີ່ຫາກໍ່ສີ້ນສຸດລົງ; ໃນນັ້ນ, ສະພາແຫ່ງຊາດໄດ້ປຶກສາຫາລື, ຕັດສິນຫຼາຍບັນຫາຊື່ງໄດ້ຮັບຄວາມສົນໃຈຈາກຜູ້ມີສິດເລືອກຕັ້ງຫຼາຍຄົນຄື: ແກ້ໄຂບັນດາການຮ້ອງທຸກ, ກ່າວຟ້ອງທີ່ກ່ຽວຂ້ອງເຖິງທີ່ດິນໂດຍພື້ນຖານ, ສຳເລັດເລື່ອງອອກໃບຕາດິນ. ທ່ານນາງຮອງປະທານສະພາແຫ່ງຊາດໃສ່ໃຈວ່າ ການນຳແຂວງຕ້ອງຜັນຂະຫຍາຍບັນດາມະຕິ, ໂຄງການຂອງສະພາແຫ່ງຊາດ, ລັດຖະບານໃຫ້ເປັນຢ່າງດີ; ເອົາໃຈໃສ່ຊອກຫາສົ້ນອອກໃຫ້ແກ່ຜະລິດຕະພັນ, ສິນຄ້າຂອງແຂວງ, ພິເສດແມ່ນຜະລິດຕະພັນຈາກໝາກພ້າວ. ທ່ານນາງຮອງປະທານສະພາແຫ່ງຊາດຫວຽດນາມ Nguyen Thi Kim Ngan ກໍ່ໃສ່ໃຈວ່າ ການນຳແຂວງ Ben Tre ຕ້ອງປະຕິບັດນະໂຍບາຍຮັບປະກັນຊີວິດສັງຄົມໃຫ້ເປັນຢ່າງດີ, ສ້າງເງື່ອນໄຂໃຫ້ບັນດາເປົ້າໝາຍນະໂຍບາຍ, ຄອບຄົວມີຄຸນງາມຄວາມດີຕໍ່ການປະຕິວັດ, ຄອບຄົວທຸກຍາກ ໄດ້ຊົມໃຊ້ບັນດານະໂຍບາຍໜູນຊ່ວຍຂອງພັກ, ລັດ.