(vovworld) – ໂດຍສືບຕໍ່ການຢ້ຽມຢາມ ແລະ ເຮັດວຽກ ຢູ່ ອິນເດຍ, ຕອນບ່າຍວັນທີ 22/2, ທ່ານນາງຮອງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ມີການຕອບສຳພາດຕໍ່ສະຖານີໂທລະພາບສະພາຕຳ່ ອິນເດຍ (Lok Sabha Television). ເມື່ອຖືກຖາມ ກ່ຽວກັບສົງຄາມຄັ້ງຕ່າງໆຢູ່ ຫວຽດນາມ ແລະ ເຂັດລັບສຳເລັດຜົນຂອງ ຫວຽດນາມ ໃນການພັດທະນາເສດຖະກິດ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ: ເຖິງວ່າໄດ້ຜ່ານຜ່າສົງຄາມເປັນທຳຫຼາຍຄັ້ງ ເພື່ອຍາດເອົາເອກະລາດ, ເສລີພາບ ແລ້ວກໍ່ຕາມ ແຕ່ຍາມໃດ ຫວຽດນາມ ກໍ່ຕ້ອງການມີສັນຕິພາບເພື່ອພັດທະນາປະເທດຊາດ. ພາຍໃຕ້ການນຳພາຂອງພັກກອມມູນິດ ຫວຽດນາມ, ປະຊາຊົນ ຫວຽດນາມ ໄດ້ແກ້ໄຂຜົນຮ້າຍຢ້ອນຫຼັງ ແລະ ຮຳບາດແຜສົງຄາມ. ໃນພາລະກິດປ່ຽນແປງໃໝ່, ຫວຽດນາມ ບັນລຸໄດ້ຜົນງານສຳຄັນຫຼາຍຢ່າງ. ພື້ນຖານເສດຖະກິດ ຫວຽດນາມ ແມ່ນພື້ນຖານເສດຖະກິດການຕະຫຼາດຕາມກຳນົດທິດສັງຄົມນິຍົມ, ປຸກລະດົມກຳລັງແຮງຂອງທົ່ວປວງຊົນ, ແລະ ລະດົມທຸກໆແຫຼ່ງກຳລັງເສດຖະກິດ ເພື່ອພັດທະນານາ, ນັ້ນແມ່ນ ເຂັດລັບ.
ກ່ຽວກັບການພົວພັນຮ່ວມມືລະຫວ່າງ ສະພາແຫ່ງຊາດ ຫວຽດນາມ ແລະ ອິນເດຍ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ຖືວ່າ: ການພົວພັນລະຫວ່າງ 2 ປະເທດ ກໍ່ຄືລະຫວ່າງ ສະພາແຫ່ງຊາດ 2 ປະເທດ ແມ່ນມີຄວາມສະໜິດສະໜົມທີ່ສຸດ, ໃນອະນາຄົດ ສາຍພົວພັນນີ້ຈະສືບຕໍ່ໄດ້ຮັບການພັດທະນາ ແລະ ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືຫຼາຍຢ່າງ, ຜັນຂະຫຍາຍປະຕິບັດບັນດາຂໍ້ຕົກລົງທີ່ໄດ້ຮັບການເຊັນໄປແລ້ວ.