(vovworld) – ໃນລະຫວ່າງວັນທີ 26-28/6, ຄະນະຜູ້ແທນສະພາແຫ່ງຊາດຫວຽດນາມ, ໂດຍທ່ານຮອງປະທານສະພາແຫ່ງຊາດ ອວງຈູລືວ ນຳໜ້າ ໄດ້ໄປຢ້ຽມຢາມ ສາທາລະນະລັດ Azerbaijan ເພື່ອແນໃສ່ຊຸກຍູ້ການພົວພັນຮ່ວມມືລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດ Azerbaijan, ຜ່ານນັ້ນປະກອບສ່ວນປັບປຸງ ແລະ ເພີ່ມທະວີການພົວພັນຮ່ວມມືທີ່ເປັນມູນເຊື້ອລະຫວ່າງສອງປະເທດ… ນີ້ແມ່ນການຢ້ຽມຢາມ Azerbaijan ຄັ້ງທຳອິດຂອງຄະນະຜູ້ແທນສະພາແຫ່ງຊາດຫວຽດນາມ ພາຍຫຼັງ 20 ປີ ນັບແຕ່ປະເທດນີ້ປະກາດເອກະລາດ. ຝ່າຍ Azerbaijan ເນັ້ນໜັກຢາກເພີ່ມທະວີການພົວພັນລະຫວ່າງສອງປະເທດ ແລະ ສະແດງຄວາມເຊື່ອໝັ້ນວ່າ ຫວຽດນາມສືບຕໍ່ພັດທະນາກວ່າອີກ, ນັບມື້ນັບມີທີ່ຕັ້ງສຳຄັນ ແລະ ປະກອບສ່ວນຢ່າງຕັ້ງໜ້າເຂົ້າໃນການສ້າງປະຊາຄົມອາຊຽນ. ສອງຝ່າຍເຫັນດີເປັນເອກະສັນສູງຕໍ່ເລື່ອງເພີ່ມທະວີການຮ່ວມມືລະຫວ່າງສະພາແຫ່ງຊາດສອງປະເທດ; ແລກປ່ຽນຄະນະຜູ້ແທນທຸກຂັ້ນ; ສືບຕໍ່ສົມທົບກັນຢ່າງແໜ້ນແຟ້ນໃນບັນດາເວທີສາກົນ ເຊິ່ງສະພາແຫ່ງຊາດສອງປະເທດເປັນສະມາຊິກ.