ຮອງປະທານສະພາແຫ່ງຊາດຕ່ອງທິຟ໋ອງຕ້ອນຮັບຄະນະຜູ້ແທນສະມາຄົມອະດີດນັກໂທດຮັກຊາດແຂວງກວາງນາມ
ຮອງປະທານສະພາແຫ່ງຊາດຕ່ອງທິຟ໋ອງຕ້ອນຮັບຄະນະຜູ້ແທນສະມາຄົມອະດີດນັກໂທດຮັກຊາດແຂວງກວາງນາມ
(ພາບ: An Đăng/TTXVN)
(vovworld) – ຕອນບ່າຍວັນທີ 8/8, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະແດງຄວາມພາກພູມໃຈ ແລະ ຄວາມເຄົາລົບນັບຖືຕໍ່ບັນດານັກຮົບປະຕິວັດທີ່ອົງອາດກ້າຫານທີ່ໄດ້ປະກອບກຳລັງເຫື່ອແຮງ, ພູມປັນຍາ, ເສຍສະຫຼະເລືອດເນື້ອເພື່ອພາລະກິດເອກະລາດ, ເສລີພາບຂອງປະເທດຊາດ. ທ່ານນາງຮອງປະທານສະພາແຫ່ງຊາດ ເນັ້ນໜັກວ່າ: ພັກ ແລະ ລັດ ຍາມໃດກໍ່ຮູ້ບຸນຄຸນຢ່າງເລິກເຊິ່ງຕໍ່ຄຸນງາມຄວາມດີອັນໃຫຍ່ຫຼວງຂອງອະດີດນັກໂທດຮັກຊາດ, ບັນດານັກປະຕິວັດຜູ້ອາວຸໂສ, ທະຫານເຈັບປວຍ, ທະຫານເສຍອົງຄະ, ນັກຮົບທີ່ເສຍສະຫຼະຊີວິດເພື່ອຊາດ ແລະ ຄອບຄົວມີຄຸນງາມຄວາມດີກໍ່ການປະຕິວັດໃນພາລະກິດຕໍ່ສູ້ຍາດເອົາເອກະພາບ, ເສລີພາບໃຫ້ແກ່ປະເທດຊາດ. ຊຸມປີຜ່ານມາ, ພັກ, ລັດໄດ້ປະກາດໃຊ້ຫຼາຍແຜນນະໂຍບາຍ, ນະໂຍບາຍເພື່ອໃຫ້ບັນດາຜູ້ທີ່ເຂົ້າຮ່ວມການຕໍ່ສູ້ໂດຍກົງ, ບັນດາຜູ້ມີຄຸນງາມຄວາມດີຕໍ່ປະເທດຊາດມີການດຳລົງຊີວິດທຽບເທົ່າ ຫຼື ສູງກ່ວາລະດັບສະເລ່ຍຢູ່ທ້ອງຖີ່ນ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ປາດຖະໜາວ່າວ່າ: ໄລຍະຈະມາເຖິງ, ໃນວິວັດທະນາການສົມທົບການຕິດຕາມກວດກາການປະຕິບັດນະໂຍບາຍທີ່ມີຕໍ່ຜູ້ມີຄຸນງາມຄວາມດີ, ແຂວງ ກວາງຫງາຍ ແລະ ບັນດາອົງການກ່ຽວຂ້ອງພ້ອມກັນເຂົ້າຮ່ວມການຄົ້ນຄ້ວາ, ກວດກາ, ແກ້ໄຂບັນດານະໂຍບາຍນີ້ເປັນຢ່າງດີ.