ທ່ານນາງ Eva Kjer Hansen ແລະ ທ່ານນາງ ຕ່ອງທິຟ໋ອງ
|
(vovworld) - ຕອນເຊົ້າວັນທີ 22/9, ຢູ່ສຳນັກງານສະພາແຫ່ງຊາດ, ທ່ານ ຕ່ອງທິຟ໋ອງ, ກຳມະການກົມການເມືອງ, ຮອງປະທານສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນສະພາແຫ່ງຊາດ ແດນມາກ ໂດຍທ່ານນາງ Eva Kjer Hansen ເປັນຫົວໜ້າຄະນະພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ກ່າວຄຳເຫັນທີ່ພິທີຕ້ອນຮັບ, ທ່ານຮອງປະທານສະພາແຫ່ງຊາດ ຕ່ອງທິຟ໋ອງ ເນັ້ນໜັກວ່າ ຫວຽດນາມ ຍາມໃດກໍ່ຖືເປັນສຳຄັນ, ການປັບປຸງ ແລະ ພັດທະນາການພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອກັບ ແດນມາກ, ເປັນຄູ່ຮ່ວມມືສຳຄັນຂອງ ຫວຽດນາມ ຢູ່ ເອີລົບເໜືອ ໃນສະຫະພາບ ເອີລົບ. ທ່ານນາງ ຕ່ອງທິຟ໋ອງ ຫວັງວ່າສະພາແຫ່ງຊາດ 2 ປະເທດສືບຕໍ່ແລກປ່ຽນຄະນະຜູ້ແທນຂອງຄະນະກຳມາທິການສະເພາະກິດ ແລະ ສົມທົບກັນເປັນຢ່າງດີທີ່ບັນດາເວທີປາໄສລັດຖະສະພາທີ່ທັງ 2 ປະເທດເປັນສະມາຊິກ.
ສ່ວນທ່ານນາງ Eva Kjer Hansen ຢັ້ງຢືນວ່າ: ແດນມາກ ພ້ອມແລ້ວທີ່ຈະຮ່ວມມືກັບ ຫວຽດນາມ ໃນບັນດາຂົງເຂດທີ່ ຫວຽດນາມ ພວມເອົາໃຈໃສ່, ໃນນັ້ນມີການລົງທຶນໃຫ້ພະລັງງານຜະລິດຄືນໃໝ່, ຊຸກຍູ້ການເຕີບໂຕຂຽວ ແລະ ການຮັບມືກັບການປ່ຽນແປງຂອງດິນຟ້າອາກາດ.