(vovworld) – ຕອນບ່າຍວັນທີ 18/2, ຢູ່ຮ່າໂນ້ຍ, ທ່ານນາງ ຕ່ອງທິຟ໋ອງ, ກຳມະການກົມການເມືອງ, ຮອງປະທານສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບທ່ານນາງ Lotta Sylwander, ຫົວໜ້າຜູ້ຕາງໜ້າກອງທຶນເຍົາວະຊົນສະຫະປະຊາຊາດ (Unicef) ປະຈຳ ຫວຽດນາມ. ທີ່ການຕ້ອນຮັບ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ເນັ້ນໜັກເລື່ອງ ສະພາແຫ່ງຊາດ ຫວຽດນາມ ໃຫ້ຄຳໝັ້ນສັນຍາສືບຕໍ່ກໍ່ສ້າງ ແລະ ປັບປຸງລະບົບກົດໝາຍວ່າດ້ວຍການປົກປັກຮັກສາສິດຜົນປະໂຫຍດຂອງເດັກ, ສິດຂອງເດັກສົມທົບກັບບັນດາບັນຫາກ່ຽວຂ້ອງເຖິງເດັກໃນວິວັດການສ້າງກົດໝາຍ, ພ້ອມທັງຕິດຕາມກວດກາເລື່ອງປົກປັກຮັກສາ ແລະ ຊຸກຍູ້ສິດຂອງເດັກ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ປາດຖະໜາຢາກເພີ່ມທະວີການຮ່ວມມືຢ່າງມີປະສິທິຜົນລະຫວ່າງ ຫວຽດນາມ ແລະ Unicef ແລະ ໄດ້ຮັບການປະກອບສ່ວນຢ່າງຕັ້ງໜ້າຂອງ Unicef ເຂົ້າວິວັດທະນາການສ້າງແຜນການຮ່ວມລະຫວ່າງ ຫວຽດນາມ - ສະຫະປະຊາຊາດ ໄລຍະ 2012 – 2016, ນັບມື້ນັບຕອບສະໜອງບັນດາບຸລິມະສິດພັດທະນາຂອງ ຫວຽດນາມ ໃນສະພາບການໃໝ່ໃຫ້ດີກ່ວາອີກ.
ສ່ວນທ່ານນາງ Lotta Sylwander ຢືນຢັນວ່າ Unicef ຈະສືບຕໍ່ສະໜັບສະໜູນ ຫວຽດນາມ ແກ້ໄຂບັນດາບັນຫາຂອງເດັກ ແລະ ປາດຖະໜາວ່າ: ໃນໄລຍະຈະມາເຖິງ ຫວຽດນາມ ຈະເພີ່ມທະວີບັນດາມາດຕະການຮັບປະກັນສິດ ແລະ ເບິ່ງແຍງດູແລເດັກໃຫ້ດີທີ່ສຸດ.