ທ່ານນາງ ຕ່ອງທິຟ໋ອງ ຢ້ຽມຢາມ ສະຖານທູດ
ຫວຽດນາມ ປະຈຳ ແດນມາກ
(ພາບ: TTXVN)
(vovworld) – ໃນຂອບເຂດການຢ້ຽມຢາມລາຊະອານາຈັກ ແດນມາກ, ຕອນບ່າຍວັນທີ 06/10, ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ມີການເຮັດວຽກກັບທ່ານລັດຖະມົນຕີການຕ່າງປະເທດ ແດນມາກ Kristian Jensen ຢູ່ນະຄອນຫລວງ Copenhagen. ທີ່ການຕ້ອນຮັບທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໄດ້ຊົມເຊີຍ ເລື່ອງ 2 ຝ່າຍໄດ້ຕັ້ງໜ້າແລກປ່ຽນຄະນະຜູ້ແທນ ທຸກຂັ້ນ ແລະ ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສຫລາຍຝ່າຍ. ໃນການຮ່ວມມືດ້ານການຄ້າ - ການລົງທຶນ, ການແລກປ່ຽນເສດຖະກິດ 2 ຝ່າຍພວມພັດທະນາຕາມທິດທີ່ດີພໍສົມຄວນ. ທ່ານຮອງປະທານສະພາແຫ່ງຊາດ ຕ່ອງທິຟ໋ອງ ສະເໜີລັດຖະບານ ແດນມາກ ສືບຕໍ່ຜັນຂະຫຍາຍຍຸດທະສາດເຕີບໂຕສຳລັບ ຫວຽດນາມ ພາຍຫລັງປີ 2016. ຫວຽດນາມ ປາດຖະໜາຢາກໃຫ້ລັດຖະບານ ແດນມາກ ສືບຕໍ່ສົ່ງເສີມ ແລະ ສ້າງເງື່ອນໄຂໃຫ້ບັນດາວິສາຫະກິດ ແດນມາກ ເພີ່ມທະວີການລົງທຶນເຂົ້າບັນດາຂົງເຂດບຸລິມະສິດຢູ່ ຫວຽດນາມ.