ຮອງປະທານສະພາແຫ່ງຊາດຕ່ອງທິຟ໋ອງຢ້ຽມຢາມແລະເຮັດວຽກຢູ່ສ.ອີຕາລີ
ທ່ານ Pietro Grasso ປະທານສະພາສູງ ສ.ອີຕາລີ
ຕ້ອນຮັບທ່ານນາງ ຕ່ອງທິຟ໋ອງ
(ພາບ: TTXVN)
(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ ສ.ອີຕາລີ ໃນລະຫວ່າງວັນທີ 25 – 29/05. ວັນທີ 25/05 ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ໄດ້ພົບປະກັບທ່ານ Pietro Grasso ປະທານສະພາສູງ ສ.ອີຕາລີ. ນະທີ່ນີ້ ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໄດ້ແຈ້ງໃຫ້ຊາບກ່ຽວກັບບັນດາຜົນງານ ເຊິ່ງ ຫວຽດນາມ ບັນລຸໄດ້ໃນບັນດາຂົງເຂດໃນໄລຍະຜ່ານມາ; ພ້ອມທັງ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບ ສ.ອີຕາລີ ແລະ ຖືນີ້ແມ່ນພື້ນຖານສຳຄັນ ເພື່ອໃຫ້ 2 ປະເທດສືບຕໍ່ຊຸກຍູ້ການພົວພັນຮ່ວມມືມິດຕະພາບໃຫ້ມີປະສິດທິຜົນກ່ວາອີກ. ຕາມທ່ານນາງ ຕ່ອງທິຟ໋ອງ ແລ້ວ ໃນໄລຍະຈະມາເຖິງ 2 ຝ່າຍຄວນພິຈາລະນາສົ່ງເສີມບັນດາຮູບການຮ່ວມມືຂັ້ນທ້ອງຖິ່ນ ດ້ວຍບັນດາຜົນງານດີເດັ່ນໃນເບື້ອງຕົ້ນຄື ອຽນບ໋າຍ, ບາເຣຍ - ຫວູງເຕົາ ກັບບັນດາທ້ອງຖິ່ນຢູ່ ອີຕາລີ.
ສ່ວນທ່ານປະທານສະພາສູງ ສ.ອີຕາລີ Pietro Grasso ຖືວ່າ: ຫວຽດນາມ ມີບົດບາດສຳຄັນຄື: ເປັນປະຕູເພື່ອໃຫ້ ອີຕາລີ ແລະ ບັນດາປະເທດ ອີຢູ ເຂົ້າ ອາຊຽນ. ຍ້ອນເຫດນັ້ນ ສະພາສູງ ອີຕາລີ ຈະສະໜັບສະໜູນເລື່ອງໃຫ້ສັດຕະຍາບັນສັນຍາ FTA ຫວຽດນາມ - ອີຢູໂດຍໄວ, ກໍ່ຄືປະກອບສ່ວນຊຸກຍູ້ການພົວພັນຮ່ວມມືກັບ ຫວຽດນາມ ໃນຂົງເຂດການຄ້າ, ການລົງທຶນ, ວັດທະນະທຳ, ການບຳລຸງສ້າງ, ການໜູນຊ່ວຍບົດຮຽນໃຫ້ກຳລັງຮັກສາສັນຕິພາບ.