ຮອງປະທານສະພາແຫ່ງຊາດຫງວຽນທິກິມເງິນຖະຫວາຍທູບທຽນຢູ່ກຳແພງເກົ່າກວາງຈີ້
(vovworld) – ເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນທະຫານເສຍອົງຄະ - ນັກຮົບທີ່ເສຍສະຫຼະຊີວິດເພື່ອຊາດ 27/7, ຕອນເຊົ້າວັນທີ 20/7, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ແລະ ຄະນະປະຕິບັດງານໄດ້ໄປວາງພວງມາລາ, ຖະຫວາຍທູບທຽນຢູ່ອະນຸສາວະລີບັນດານັກຮົບທີ່ເສຍສະຫຼະຊີວິດເພື່ອຊາດຢູ່ກຳແພງເກົ່າ ກວາງຈີ້, ເພື່ອສະແດງຄວາມຕອບບູນແທນຄຸນບັນດານັກຮົບທີ່ເສຍສະຫຼະຊີວິດເພື່ອຊາດ ໃນບັ້ນຮົບທີ່ແກ່ຍາວ 81 ວັນ ແລະ ຄືນປີ 1972, ເພື່ອປົກປັກຮັກສາກຳແພງເກົ່າ ກວາງຈີ້. ໃນການຕໍ່ສູ້ນັ້ນ, ນັກຮົບນັບພັນຄົນໄດ້ເສຍສະຫຼະຊີວິດໃນເຂດດິນແດນແຫ່ງນີ້ເພື່ອສ້າງບົດເພງໄຊອະມະຕະກ່ຽວກັບນ້ຳໃຈອົງອາດກ້າຫານ, ການເສຍສະຫຼະຢ່າງອົງອາດເພື່ອສັນຕິພາບ, ເສລີພາບ, ປະກອບສ່ວນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ.
ກ່ອນໜ້ານັ້ນ, ຕອນບ່າຍວັນທີ 19/7, ທ່ານ ຫງວຽນແຮ້ງຟູກ, ຫົວໜ້າຫ້ອງວ່າການສະພາແຫ່ງຊາດໄດ້ລົງຢ້ຽມຢາມ, ມອບຂອງຂວັນໃຫ້ແມ່ຫວຽດນາມ ວິລະຊົນ ເລທິທິ ຢູ່ຕາແສງ ຫາຍເທື້ອງ, ເມືອງ ຫາຍລັງ, ແຂວງ ກວາງຈີ້.