ປະທານສະພາປຶກສາການເມືອງປະຊາຊົນ ຈີນ ອີເຈີ້ງເສິ່ງ
ຕ້ອນຮັບ ຄະນະຜູ້ແທນຂັ້ນສູງແນວໂຮມປະເທດຊາດ ຫວຽດນາມ
(vovworld) - ໂດຍຮັບຄຳເຊີນຂອງສະພາປຶກສາການເມືອງປະຊາຊົນ ຈີນ, ຄະນະຜູ້ແທນຂັ້ນສູງແນວໂຮມປະເທດຊາດ ຫວຽດນາມ ໂດຍທ່ານຮອງປະທານ, ທັງເປັນເລຂາທິການໃຫຍ່ແນວໂຮມປະເທດຊາດ ຫວຽດນາມ ເຈິ່ນແທງເມິນ ນຳໜ້າໄດ້ໄປຢ້ຽມຢາມ ແລະ ເຮັວຽກຢູ່ ຈີນ ໃນລະຫວ່າງວັນທີ 19-23/12/2016. ການຢ້ຽມຢາມເພື່ອແນໃສ່ທາບທາມຄວາມເຫັນ ແລະ ແບ່ງປັນບົດຮຽນກ່ຽວກັບວຽກງານປະຕິບັດບົດບາດໜ້າທີ່ຂອງ ສະພາປຶກສາການເມືອງປະຊາຊົນ ຈີນ ໃນວຽກງານປ້ອງກັນ, ຕ້ານສໍ້ລາດບັງຫຼວງ, ລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ, ກໍ່ສ້າງຊົນນະບົດໃໝ່, ຕົວເມືອງສີວິໄລ, ທີ່ປຶກສາການເມືອງ, ການຕິດຕາມກວດກາປະຊາທິປະໄຕ, ເພີ່ມທະວີການພົວພັນມິດຕະພາບ, ການຮ່ວມມືລະຫວ່າງແນວໂຮມປະເທດຊາດ ຫວຽດນາມ ແລະ ສະພາປຶກສາການເມືອງປະຊາຊົນຈີນ. ທີ່ການຕ້ອນຮັບຄະນະ, ກຳມະການປະຈຳກົມການເມືອງ, ປະທານສະພາປຶກສາການເມືອງປະຊາຊົນ ຈີນ ອີເຈີ້ງເສິ່ງ ໄດ້ແບ່ງປັນຂໍ້ມູນຂ່າວກ່ຽວກັບບົດບາດຂອງ ສະພາປຶກສາການເມືອງປະຊາຊົນ ຈີນ ຄືດັ່ງເວທີປາໄສທີ່ປຶກສາ, ແລກປ່ຽນຄວາມເຫັນ, ປະກອບແນວຄວາມຄິດ ແລະ ຊັບພະຍາກອນມະນຸດຂອງປະຊາຊົນ, ທຸກຊັ້ນຄົນໃນສັງຄົມ, ບັນດານັກວິຊາການ, ປະກອບສ່ວນຕິດຕາມກວດກາການເຄື່ອນໄຫວຂອງລັດຖະບານ. ທ່ານປະທານສະພາປຶກສາການເມືອງປະຊາຊົນ ຈີນ ຫວັງວ່າບັນດາການເຄື່ອນໄຫວແລກປ່ຽນຄະນະ ຈະປະກອບສ່ວນເພີ່ມທະວີການຮ່ວມມືລະຫວ່າງສອງພັກ, ສອງລັດ ກໍ່ຄື ສະພາປຶກສາການເມືອງປະຊາຊົນ ຈີນ ແລະ ແນວໂຮມປະເທດຊາດ ຫວຽດນາມ.
ສ່ວນທ່ານຮອງປະທານ, ທັງເປັນເລຂາທິການໃຫຍ່ແນວໂຮມປະເທດຊາດ ຫວຽດນາມ ເຈິ່ນແທງເມິນ ກໍ່ເນັ້ນໜັກເຖິງນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ຕັ້ງໜ້າເຊື່ອມໂຍງເຂົ້າກັບສາກົນຂອງ ຫວຽດນາມ, ນະໂຍບາຍສະເໝີຕົ້ນສະໝີປາຍຂອງພັກ, ລັດ ຫວຽດນາມ ທີ່ຖືເປັນສຳຄັນການພົວພັນມິດຕະພາບ ແລະ ການຮ່ວມມືກັບພັກ, ລັດ ແລະ ປະຊາຊົນ ຈີນ, ປັບປຸງພື້ນຖານສັງຄົມ, ປະກອບສ່ວນແກ້ໄຂບັນດາບັນຫາບໍ່ລົງລອຍກັນໃນການພົວພັນສອງປະເທດ. ທ່ານຮອງປະທານແນວໂຮມປະເທດຊາດ ຫວຽດນາມ ເຈິ່ນແທງເມິນ ຕີລາຄາສູງບົດບາດຂອງສະພາປຶກສາການເມືອງຈີນໃນການເພີ່ມທະວີການຮ່ວມມືກັບແນວໂຮມປະເທດຊາດ ຫວຽດນາມ.