(vovworld) - ຕອນບ່າຍວັນທີ 14/12, ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຕ້ອນຮັບ ທ່ານ Dato’ Sri Mohd Johari bin Haharom ຮອງລັດຖະມົນຕີກະຊວງປ້ອງກັນປະເທດ ມາເລເຊຍ ເຂົ້າຢ້ຽມຂ່ຳນັບ ເນື່ອງໃນໂອກາດ ຄະນະຜູ້ແທນມາຢ້ຽມຢາມ ແລະ ເຮັດວຽກຢູ່ຫວຽດນາມ ໃນລະຫວ່າງວັນທີ 14 - 16/12.
ກອນໜ້ານັ້ນ, ທ່ານ ພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ພົບປະເຈລະຈາກັບ ທ່ານ Dato’ Sri Mohd Johari bin Haharom ຮອງລັດຖະມົນຕີກະຊວງປ້ອງກັນປະເທດ ມາເລເຊຍ. ທີ່ການພົບປະເຈລະຈາ, ສອງຝ່າຍ ຢືນຢັນ ສືບຕໍ່ຊຸກຍູ້ການພົວພັນມິດຕະພາບອັນດີງາມ ລະຫວ່າງ ສອງປະເທດບ້ານໃກ້ເຮືອນຄຽງໃນທະເລບົນພື້ນຖານການພົວພັນຄູ່ຮ່ວມມືຍຸດທະສາດຫວຽດນາມ -ມາເລເຊຍ. ໃນໄລຍະຈະມາເຖິງ, ສອງຝ່າຍເຫັນດີເປັນເອກະສັນສືບຕໍ່ຜັນຂະຫຍາຍບັນດາເນື້ອໃນຮ່ວມມືຢ່າງຄົບຖ້ວນ, ມີປະສິດທິຜົນ; ສອງຝ່າຍເຫັນດີເປັນເອກະພາບເພີ່ມທະວີທາບທາມແລກປ່ຽນຄຳເຫັນເພື່ອມີທັດສະນະລວມໃນບັນດາບັນຫາຄວາມໝັ້ນຄົງໃນພາກພື້ນ ແລະ ສາກົນ ຢູ່ນອກບັນດາເວທີປາໃສຫຼາຍຝ່າຍ ເຊີ່ງສອງຝ່າຍຕ່າງກໍ່ແມ່ນສະມາຊິກ, ພິເສດແມ່ນບັນດາສະພາປ້ອງກັນຊາດ - ການທະຫານອາຊຽນ ຄື: ADMM, ADMM+, ACDFIM, ARF... ອັນໄດ້ປະກອບສ່ວນຮັກສາຄວາມສາມັກຄີພາຍໃນກຸ່ມ ແລະ ບົດບາດເປັນໃຈກາງຂອງອາຊຽນ, ເພື່ອສັນຕິພາບ, ສະຖຽນລະພາບ, ຄວາມໝັ້ນຄົງໃນພາກພື້ນ ແລະ ໃນໂລກ.