ທ່ານ Reuvlin Rivlin ປະທານາທິບໍດີ ອິດສະລາແອນ
ໄດ້ຕ້ອນຮັບ ພົນໂທ ຫງວຽນຈີ໋ວີ້ງ
(ພາບ: vietnam+)
(vovworld) - ວັນທີ 7/2, ຢູ່ Jerusalem, ທ່ານ Reuvlin Rivlin ປະທານາທິບໍດີ ອິດສະລາແອນ ໄດ້ຕ້ອນຮັບ ພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ນຳໜ້າ ຄະນະຜູ້ແທນຂັ້ນສູງ ກະຊວງປ້ອງກັນປະເທດຫວຽດນາມ ພວມມີການຢ້ຽມຢາມ ອິດສະລາແອນ ແຕ່ວັນທີ 6-9/2 ຕ່າມຄຳເຊີນ ຂອງ ທ່ານ Udi Adam ຫົວໜ້າກົມໃຫຍ່ປ້ອງກັນປະເທດອິດສະລາແອນ. ທ່ານ Reuvlin Rivlin ປະທານາທິບໍດີ ອິດສະລາແອນ ຖືວ່າ ການຢ້ຽມຢາມແມ່ນປະກົດການທີ່ຕັ້ງໜ້າຂອງການພົວພັນຮ່ວມມືນັບມື້ທີ່ນັບພັດທະນາລະຫວ່າງສອງປະເທດ, ໃນນັ້ນມີຂົງເຂດປ້ອງກັນຊາດ. ທ່ານ Reuvlin Rivlin ປະທານາທິບໍດີ ອິດສະລາແອນ ຢືນຢັນເຖິງ ການສະໜັບສະໜູນ ຂອງທ່ານເອງ ກໍ່ຄື ຂອງ ລັດ, ລັດຖະບານ ອິດສະລາແອນ ໃນເລື່ອງຊຸກຍູ້ການພົວພັນປ້ອງກັນຊາດກັບຫວຽດນາມ.
ສ່ວນ ທ່ານ ຮອງລັດຖະມົນຕີ ຫງວຽນຈີ໋ວີ້ງ ຢືນຢັນວ່າ ໃນນະໂຍບາຍ ຫັນເປັນຫລາຍ ຝ່າຍຫຼາຍຮູບຫຼາຍແບບຂອງຕົນ, ຫວຽດນາມຖືເປັນສຳຄັນການພັດທະນາການພົວພັນມີດຕະພາບ, ການຮ່ວມມືກັບບັນດາປະເທດຕາເວັນອອກກາງ,ໃນນັ້ນມີ ອິດສະລາແອນ. ທ່ານ ຮອງລັດຖະມົນຕີ ຫງວຽນຈີ໋ວີ໋ງ ປາດຖະໜາວ່າ ໃນໄລຍະຈະມາເຖີງ, ທ່ານ ປະທານາທິບໍດີ ສືບຕໍ່ສະໜັບສະໜູນເພື່ອໃຫ້ສອງກະຊວງປ້ອງກັນປະເທດ ສ້າງການພົວພັນຮ່ວມມືທີ່ເໝາະສົມກັບການພົວພັນທີ່ພວມພັດທະນາຢ່າງດີງາມຂອງສອງປະເທດ.
ກ່ອນໜ້ານັ້ນ, ຕອນເຊົ້າວັນທີ 7/2, ທີ່ ສຳນັກງານກະຊວງປ້ອງກັນປະເທດອິດສະລາແອນ, ທ່ານ ຮອງລັດຖະມົນຕີ ຫງວຽນຈີ໋ວີ້ງ ໄດ້ມີການພົບປະເຈລະຈາກັບ ທ່ານ Udi Adam ຫົວໜ້າກົມໃຫຍ່ປ້ອງກັນປະເທດອິດສະລາແອນ. ພາຍຫຼັງພົບປະເຈລະຈາ, ສອງຝ່າຍໄດ້ລົງນາມບົດບັນທຶກເຮັດວຽກກ່ຽວກັບການຢ້ຽມຢາມ ແລະ ບົດບັນທຶກການກໍ່ສ້າງກົນໄກທາບທາມກຸ່ມເຮັດວຽກລະຫວ່າງກະຊວງປ້ອງກັນປະເທດສອງປະເທດ.
ໃນລາຍການຢ້ຽມຢາມ, ເຮັດວຽກຢູ່ ອິດສະລາແອນ, ທ່ານ ຮອງລັດຖະມົນຕີ ຫງວຽນຈີ໋ວີ້ງ ເຂົ້າຢ້ຽມຄຳນັບ ທ່ານ Avigdor Liberman ລັດຖະມົນຕີກະຊວງປ້ອງກັນປະເທດອິດສະລາແອນ; ພົບປະກັບທ່ານ Jacop Nagel ທີ່ປຶກສາຄວາມສະຫງົບປອດໄພ ແລະ ຢ້ຽມຢາມຫົວໜ່ວຍອຸດສາຫະກຳປ້ອງກັນປະເທດອິດສະລາແອນຈຳນວນໜື່ງ.