(vovworld) – ທີ່ການຕ້ອນຮັບຜູ້ວ່າການເຂດ Wallonie Brusell ປະເທດແບນຊິກ ທ່ານ Rudy Demotte, ເນື່ອງໃນໂອກາດທີ່ທ່ານມາຢ້ຽມຢາມ ແລະ ເຮັດວຽກຢູ່ ຫວຽດນາມ ຕາມຄຳເຊື້ອເຊີນຂອງກະຊວງການຕ່າງປະເທດ ຫວຽດນາມ ເມື່ອວັນທີ 8/4, ທ່ານຮອງລັດຖະມົນຕີການຕ່າງປະເທດ ຫວຽດນາມ ໂຮ່ຊວນເຊີນ ຕີລາຄາສູງເລື່ອງອຳນາດການປົກຄອງເຂດ Wallonie Brusell ປະເທດແບນຊິກ ໄດ້ໃຫ້ບຸລິມະສິດຊຸກຍູ້ການພົວພັນກັບ ຫວຽດນາມ ແລະ ຢັ້ງຢືນວ່າ ຫວຽດນາມ ຖືການພົວພັນຮ່ວມມືກັບເຂດ Wallonie Brusell ເວົ້າສະເພາະ ແລະ ການພົວພັນ ຫວຽດນາມ - ແບນຊິກ ເວົ້າລວມເປັນສຳຄັນ. 2 ຝ່າຍຕີລາຄາວ່າການພົວພັນ ຫວຽດນາມ - ເຂດ Wallonie Brusell ພວມພັດທະນາຢ່າງດີງາມຜ່ານການພົບປະ, ແລກປ່ຽນຄະນະເປັນປະຈຳ, ພິເສດແມ່ນຜົນງານທີ່ບັນລຸໄດ້ຂອງບັນດາໂຄງການຮ່ວມມືໄລຍະ 2010 – 2012, ຊົມເຊີຍການຮັບຮອງເອົາໂຄງການຮ່ວມມືໄລຍະ 2013 – 2015, ສຸມໃສ່ເຂົ້າໃນບັນດາຂົງເຂດໃຫ້ບຸລິມະສິດແມ່ນການສຶກສາ, ບຳລຸງສ້າງຂັ້ນມະຫາວິທະຍາໄລ, ວັດທະນະທຳຫຼາຍຮູບຫຼາຍແບບ, ຮ່ວມມືພາສາຝຣັ່ງ, ບຳລຸງສ້າງດ້ານເຕັກນິກ ແລະ ສອນວິຊາຊີບ, ເຫັນດີເປັນເອກະພາບມຸ້ງໄປເຖິງການເປີດກ້ວາງການຮ່ວມມືກ້າວເຂົ້າສູ່ບັນດາຂົງເຂດທີ່ທັງ 2 ຝ່າຍມີທ່າແຮງ ແລະ ມີຄວາມຕ້ອງການຄື: ເສດຖະກິດ, ຄົມມະນາຄົມຂົນສົ່ງ, ການບິນອາວະກາດ, ວິທະຍາສາດ - ເຕັກໂນໂລຢີ..., ແລກປ່ຽນບົດຮຽນ ແລະ ເພີ່ມທະວີການຮ່ວມມືລະຫວ່າງບັນດາທ້ອງຖິ່ນຂອງ ຫວຽດນາມ ແລະ ເຂດ Wallonie Brusell ໃນການພັດທະນາເສດຖະກິດ, ຄຸ້ມຄອງຜືນແຜ່ນດິນ.
ໃນຊຸມມື້ຕໍ່ໄປຂອງການຢ້ຽມຢາມ ຫວຽດນາມ, ທ່ານນາຍົກ Rudy Demotte ຈະມີການເຮັດວຽກກັບບັນດາກະຊວງ, ຂະແໜງການທີ່ກ່ຽວຂ້ອງຂອງ ຫວຽດນາມ, ຢ້ຽມຢາມ ນະຄອນ ດ່າໜັງ ແລະ ໂຮ່ຈີມິນ.