ຮອງຫົວຫນ້າກົມໃຫຍ່ເສນາທິການກອງທັບກຳປູເຈຍຢ້ຽມຢາມຫວຽດນາມ
ພົນໂທໂດ໋ບາຕີ້ຕ້ອນຮັບພົນເອກ Mom Som
ພາບ:qdnd.vn
|
(vovworld)- ຕອນບ່າຍວັນທີ 11/6, ຢູ່ສຳນັກງານກະຊວງປ້ອງກັນປະເທດ, ພົນໂທໂດ໋ບາຕີ້, ຫົວຫນ້າກົມໃຫຍ່ເສນາທິການກອງທັບປະຊາຊົນຫວຽດນາມໄດ້ຕ້ອນຮັບ ພົນເອກ Mom Som, ຮອງຫົວຫນ້າກົມໃຫຍ່ເສນາທິການ ທັງເປັນຫົວຫນ້າຫ້ອງການກອງບັນຊາການໃຫຍ່ກອງທັບກຳປູເຈຍ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ.ທີ່ການຕ້ອນຮັບ, ພົນໂທ ໂດ໋ບາຕີ້ ຢືນຢັນວ່າ: ລັດຖະບານ, ກອງທັບ ແລະ ປະຊາຊົນ ຫວຽດນາມ ຖືການພັດທະນາການພົວພັນສາມັກຄີກັບລັດຖະບານ, ກອງທັບ ແລະ ປະຊາຊົນກຳປູເຈຍ ເປັນສຳຄັນ. ພົນໂທ ໂດ໋ບາຕີ້ ສະເຫນີຫ້ອງການກອງບັນຊາການໃຫຍ່ສອງປະເທດຍູ້ແຮງວຽກງານໂຄສະນາ, ຍົກສູງສະຕິຄວາມຮັບຮູ້ຂອງພະນັກງານ, ນັກຮົບກອງທັບສອງປະເທດກ່ຽວກັບຄວາມໝາຍ, ຄວາມສຳຄັນຂອງການເພີ່ມທະວີການພົວພັນ“ບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ” ລະຫວ່າງຫວຽດນາມ ແລະ ກຳປູເຈຍ. ສ່ວນພົນໂທ Mom Som ສະແດງຄວາມເຊື່ອໝັ້ນວ່າ: ການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງກຳປູເຈຍ ແລະ ຫວຽດນາມ ເວົ້າລວມ, ກອງທັບສອງປະເທດເວົ້າສະເພາະຈະນັບມື້ນັບພັດທະນາກວ່າອີກໃນໄລຍະຈະມາເຖິງ.