ຮ່າໂນ້ຍຄວນນຳຫນ້າແລະກາຍເປັນສູນເລີ່ມປະກອບອາຊີບ,ສູນຫົວຄິດປະດິດສ້າງຂອງປະເທດຊາດ
ທ່ານນາຍົກລັດຖະມົນຕີ ຫງວຽນຊວນຟຸກ
ພາບ:internet
|
(vovworld)- ດ້ວຍຫົວຂໍ້ວ່າ: “ຮ່າໂນ້ຍປີ 2016- ການຮ່ວມມືລົງທຶນ ແລະ ພັດທະນາ”, ກອງປະຊຸມສົ່ງເສີມການລົງທຶນຢູ່ຮ່າໂນ້ຍ ໄດ້ໄຂຂຶ້ນໃນຕອນເຊົ້າວັນທີ 4/6. ນີ້ແມ່ນກອງປະຊຸມກ່ຽວກັບວິສາຫະກິດຂະຫນາດໃຫຍ່ສຸດນັບແຕ່ກອ່ນມາຮອດປະຈຸບັນຂອງຮ່າໂນ້ຍ ເພື່ອຜັນຂະຫຍາຍຫນ້າທີ່, ມາດຕະການຕົ້ນຕໍ ປັບປຸງສະພາບແວດລ້ອມແຫ່ງການດຳເນີນທຸລະກິດ, ຍົກສູງກຳລັງຄວາມສາມາດແກ້ງແຍ້ງແຫ່ງຊາດປີ 2016-2017, ກຳນົດທິດຮອດປີ 2020. ນະທີ່ນີ້, ການນຳນະຄອນຫລວງ ຮ່າໂນ້ຍ ໃຫ້ຄຳໝັ້ນສັນຍາ ສ້າງເງື່ອນໄຂສະດວກ, ສ້າງສະພາບແວດລ້ອມແຫ່ງການດຳເນີນທຸລະກິດຢ່າງສະດວກ, ປັບປຸງດ້ານບໍລິຫານຢ່າງແຮງ. ທີ່ກອງປະຊຸມ, ຮ່າໂນ້ຍໄດ້ຮຽກຮ້ອງບັນດານັກລົງທຶນ ເພື່ອລົງທຶນເຂົ້າ 52 ໂຄງການ, ດ້ວຍຍອດຈຳນວນທຶນຂຶ້ນເຖິງ 338.000 ຕື້ດົງ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ສະເຫນີວ່າ:
“ຮ່າໂນ້ຍ ຄວນນຳຫນ້າ ແລະ ກາຍເປັນສູນເລີ່ມປະກອບອາຊີບ, ສູນຫົວຄິດປະດິດສ້າງຂອງທັງປະເທດ. ໃນການສ້າງອຳນາດການປົກຄອງເອເລັກໂຕນິກ, ຮ່າໂນ້ຍ ຄວນນຳໃຊ້ເຕັກໂນໂລຊີຂໍ້ມູນຂ່າວສານຢ່າງສຸດຂີດເຂົ້າໃນການຮັບໃຊ້ວິສາຫະກິດ ແລະ ປະຊາຊົນ ໃນການປະຕິບັດບັນດາລະບຽບການບໍລິຫານກໍຄືສ້າງລະບົບຄຸ້ມຄອງຂໍ້ມູນຂ່າວສານເພື່ອໃຫ້ການນຳນະຄອນສາດມາດຕິດຕາມກວດກາຢ່າງໃກ້ຊິດ ແລະ ຊີ້ນຳຢ່າງທັນການ, ຮັບປະກັນການປະຕິບັດບັນດາຄຳໝັ້ນໝາຍຕໍ່ກັບວິສາຫະກິດ, ປະຊາຊົນຢ່າງເຂັ້ມງວດ.”