(ພາບປະກອບ:Xuân Chính)
(vovworld)- ນະຄອນຮ່າໂນ້ຍໄດ້ເຫັນດີກັບແຜນການຈັດຕັ້ງບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງວັນປະຕິວັດເດືອນສິງຫາ ແລະ ວັນຊາດແຫ່ງສາທາລະນະລັດສັງຄົມນິຍົມຫວຽດນາມ (ວັນທີ 2 ທັນວາ) ໃນບໍລິເວນນະຄອນ. ຕາມແຜນການແລ້ວ, ບັນດາການເຄື່ອນໄຫວສະເຫຼີມສະຫຼອງ 2 ວັນບຸນໃຫຍ່ ຈະດຳເນີນໃນລະຫວ່າງວັນທີ 5/8-10/9 ລວມມີ: ສະແດງວັດທະນະທຳ-ສິລະປະ, ກິລາ; ງານບຸນດົນຕີ “ລະດູໃບໄມ້ຫຼົ່ນຮ່າໂນ້ຍ”, ງານມະໂຫລານໂຄສະນາເຄື່ອນທີ່; ງານວາງສະແດງ, ວາງສະແດງເພີ່ມເຕີມເຂດອະນຸສອນສະຖານ, ເຫດການປະຫວັດສາດແຫ່ງລຸງໂຮ່ໄດ້ຂຽນບົດຖະແຫຼງປະກາດເອກະລາດ; ຢື້ຢາມຖາມຂ່າວ, ມອບຂອງຂວັນໃຫ້ໝູ່ຄະນະ, ສ່ວນບຸກຄົນທີ່ດີເດັ່ນພ້ອມກັບບັນດາການເຄື່ອນໄຫວ “ຕອບບຸນແທນຄຸນ”, “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ”…