(vovworld) - ກອງທຶນ “ເພື່ອຄົນທຸກຍາກ” ຂອງນະຄອນຮ່າໂນ້ຍ ໄດ້ຮັບບໍລິຈາກກວ່າ 51 ຕື້ດົງຈາກບັນດາອົງການ, ອົງການຈັດຕັ້ງ, ສ່ວນບຸກຄົນໃນບໍລິເວນນະຄອນຫຼວງຮ່າໂນ້ຍ ທີ່ສະໜັບສະໜູນໃຫ້ຄົນທຸກຍາກໃນລາຍການພົບປະແລກປ່ຽນສິລະປະ “ນັກທຸລະກິດສາຍໃຈ ແລະ ຄວາມເກັ່ງກ້າສາມາດ” ແລະ ປຸກລະດົມການສະໜັບສະໜູນກອງທຶນ “ວັນເພື່ອຄົນທຸກຍາກ” ປີ 2012, ເຊິ່ງຖືກດຳເນີນໄປເມື່ອຕອນຄໍ່າວັນທີ 7/10 ຢູ່ຮ່າໂຮ້ຍ. ທ່ານ Dao Van Binh, ປະທານຄະນະກຳມະການແນວໂຮມປະເທດຊາດນະຄອນຮ່າໂນ້ຍ, ຫົວນະຄະນະກອງທຶນ “ເພື່ອຄົນທຸກຍາກ” ນະຄອນຮ່າໂນ້ຍໃຫ້ຮູ້ວ່າ, ໃນຕະຫຼອດ 12 ປີຜ່ານມາ, ກອງທຶນເພື່ອຄົນທຸກຍາກຂອງຮ່າໂນ້ຍ ໄດ້ໜູນຊ່ວຍກໍສ້້າງ, ສ້ອມແປງເຮືອນຖືກເປ່ເພເກືອບ 30.000 ຫຼັງ ແລະ ໜູນຊ່ວຍແນວພັນ, ທຶນຮອນ, ອຸປະກອນຮັບໃຊ້ການຜະລິດໃຫ້ບັນດາຄອບຄົວທຸກຍາກ. ປະຈຸບັນ, ນະຄອນຮ່າໂນ້ຍ ມີຄອບຄົວທຸກຍາກ 2% ແລະ ບໍ່ມີຕາແສງທຸກຍາກອີກ. ເພື່ອປະຕິບັດຈຸດໝາຍຮອດປີ 2015, ນັບແຕ່ວັນທີ 7/10 – 8/11, ທາງນະຄອນສືບຕໍ່ຮຽກຮ້ອງບັນດາອົງການ, ຫົວໜ່ວຍ, ວິສາຫະກິດ, ອົງການຈັດຕັ້ງ ແລະ ປະຊາຊົນເສີມຂະຫຍາຍມູນເຊື້ອ “ຮ່ວມແຮງຮ່ວມໃຈ” ສະໜັບສະໜູນກອງທຶນ “ເພື່ອຄົນທຸກຍາກ” ແລະ ບັນດາລາຍການຮັບປະກັນຊີວິດສັງຄົມ ເພື່ອແນໃສ່ປຸກລຸກກຳລັງແຮງຂອງທັງລະບົບການເມືອງ ແລະ ທົ່ວສັງຄົມ, ສ້າງກຳລັງແຮງເບິ່ງແຍງດູແລໃຫ້ຄົນທຸກຍາກຢ່າງແທດຈິງ.