ຮ່າໂນ້ຍປະກາດໝາກຜົນແຫ່ງໝູນໃຊ້ເຕັກໂລໂນຊີຂໍ້ມູນຂ່າວສານ
ພິທີປະກາດໝາກຜົນຕີລາຄາ, ຈັດອັນດັບການໝູນໃຊ້
ເຕັກໂລໂນຊີຂໍ້ມູນຂ່າວສານ ປີ 2014
(ພາບ:vtv.vn)
(vovworld)- ວັນທີ 19/7, ຄະນະຊີ້ນຳການໝູນໃຊ້ເຕັກໂລໂນຊີຂໍ້ມູນຂ່າວສານນະຄອນຮ່າໂນ້ຍ ໄດ້ປະກາດໝາກຜົນຕີລາຄາ, ຈັດອັນດັບການໝູນໃຊ້ເຕັກໂລໂນຊີຂໍ້ມູນຂ່າວສານໃນການເຄື່ອນໄຫວຂອງອົງການສຳນັກງານແຫ່ງລັດນະຄອນຮ່າໂນ້ຍ ປີ 2014. ເຂົ້າຮ່ວມການຕີລາຄາ, ຈັດອັນດັບການໝູນໃຊ້ເຕັກໂລໂນຊີຂໍ້ມູນຂ່າວສານໃນການເຄື່ອນໄຫວຂອງອົງການສຳນັກງານແຫ່ງລັດນະຄອນຮ່າໂນ້ຍ ປີ 2014 ມີ 111 ຫົວໜ່ວຍ, ໃນນັ້ນມີ 22 ພະແນກ, ຂະແໜງການ, 13 ຄະນະກຳມະການປະຊາຊົນຂັ້ນເມືອງ, ເທດສະບານ. ໝາກຜົນມີຢູ່ວ່າ: 19 ຫົວໜ່ວຍທີ່ດີເດັ່ນ, ຖືກຈັດອັນດັບສູງໄດ້ຮັບໃບຍ້ອງຍໍຈາກຄະນະກຳມະການປະຊາຊົນນະຄອນ.
ກ່າວຄຳເຫັນທີ່ພິທີ, ທ່ານລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານຫວຽດນາມ ຫງວຽນແທ່ງຮືງ ຕີລາຄາສູງເລື່ອງຈັດຕັ້ງການຕີລາຄາ, ຈັດອັນດັບ ການໝູນໃຊ້ເຕັກໂລໂນຊີຂໍ້ມູນຂ່າວສານໃນອົງການສຳນັກງານແຫ່ງລັດນະຄອນຮ່າໂນ້ຍ.ຕາມທ່ານລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານຫວຽດນາມ ຫງວຽນແທ່ງຮືງ ແລ້ວ, ໃນຊຸມປີມໍໆມານີ້, ຮ່າໂນ້ຍ ລ້ວນແຕ່ນຳໜ້າບັນດາແຂວງ, ນະຄອນທີ່ຂຶ້ນກັບສູນກາງ ກ່ຽວກັບລະດັບການໝູນໃຊ້ເຕັກໂລໂນຊີຊໍ້ມູນຂ່າວສານໃນເກືອບທັງໝົດບັນດາມາດຖານ, ພິເສດແມ່ນການໝູນໃຊ້ເຕັກໂລໂນຊີຊໍ້ມູນຂ່າວສານໃນການຮັບໃຊ້ປະຊາຊົນ ແລະ ວິສາຫະກິດ.