(ພາບ: ອິນເຕີແນັດ)
(vovworld)- ເນື່ອງໃນໂອກາດບຸນປີໃໝ່ປະຈຳຊາດ, ປີມະເສງ 2013, ວັນທີ 31/1, ສະພາພິຈາລະນາການຜ່ອນໂທດ ແລະ ປ່ອຍຕົວນັກໂທດອອກຈາກຄຸກກ່ອນກຳນົດນະຄອນຮ່າໂນ້ຍ ໄດ້ປະກາດຂໍ້ຕົກລົງຂອງປະທານປະເທດກ່ຽວກັບການຫລຸດຜ່ອນກຳນົດເວລາປະຕິບັດໂທດໃຫ້ແກ່ນັກໂທດ 386 ຄົນ. ນີ້ແມ່ນບັນດານັກໂທດມີຜົນງານດັດສ້າງເປັນຢ່າງດີໃນວິວັດການປະຕິບັດຄຳຕັດສິນຂອງສານຢູ່ບັນດາຄ້າຍກັກຂັງພາງ ໂດຍຕຳຫຼວດຮ່າໂນ້ຍ ຄຸ້ມຄອງ. ໃນຈຳນວນນັກໂທດໄດ້ຮັບການອະໄພຍະໂທດຄັ້ງນີ້ມີ 160 ຄົນໄດ້ຮັບການປ່ອຍຕົວເປັນອິດສະຫຼະ, 226 ຄົນໄດ້ຮັບການຜ່ອນໂທດແຕ່ 3-10 ເດືອນ. ສະພາພິຈາລະນາການຜ່ອນໂທດ ແລະ ປ່ອຍຕົວນັກໂທດອອກຈາກຄຸກກ່ອນກຳນົດນະຄອນຮ່າໂນ້ຍ ໄດ້ສົມທົບກັບບັນດາອົງການມີໜ້າທີ່ຮັບຜິດຊອບ ດຳເນີນບັນດາຂັ້ນຕອນພິຈາລະນາການຜ່ອນໂທດ ແລະ ປ່ອຍຕົວນັກໂທດ ອອກຈາກຄຸກກ່ອນກຳນົດຢ່າງເປີດເຜີຍ, ປະຊາທິປະໄຕ, ຊັດເຈນ. ປີນີ້, ແຜນນະໂຍບາຍຂອງຕຳຫຼວດນະຄອນຮ່າໂນ້ຍ ແມ່ນບໍ່ໃຫ້ສະເໜີພິຈາລະນາການອະໄພຍະໂທດສຳລັບນັກໂທດມີການກະທຳຜິດປຸ້ນສະດົມຊັບສິນຂອງປະຊາຊົນ, ຄາດຕະກຳ ແລະ ອື່ນໆ…