(vovworld) - ພິທີປຸກລະດົມເດືອນເພື່ອຄົນທຸກຍາກປີ 2014 ຖືກດຳເນີນໃນຕອນຄຳ່ວັນທີ 15/10 ເນື່ອງໃນໂອກາດສະເຫຼີມສະຫຼອງ 60 ປີ ແຫ່ງວັນປົດປ່ອຍນະຄອນຫຼວງ (10/10/1954-10/10/2014) ແລະ ວັນນັກທຸລະກິດຫວຽດນາມ 13/10.
“ ວັນເພື່ອຄົນທຸກຍາກ ” ນະຄອນຮ່າໂນ້ຍ ຖືກດຳເນີນແຕ່ວັນທີ 17/10-18/11/2014. ຄະນະກຳມະການປະຊາຊົນນະຄອນໄດ້ຮຽກຮ້ອງບັນດາອົງການ, ຫົວໜ່ວຍ, ວິສາຫະກິດ, ອົງການຈັດຕັ້ງ ແລະ ປະຊາຊົນທຸກຊັ້ນວັນນະເສີມຂະຫຍາຍມູນເຊື້ອຄວາມສາມັກຄີ “ຮັກແພງຊ່ວຍເຫຼືອຊຶ່ງກັນ ແລະ ກັນ”, ເຂົ້າຮ່ວມການສະໜັບສະໜູນກອງທຶນ “ ເພື່ອຄົນທຸກຍາກ ” ແລະ ບັນດາໂຄງການຮັບປະກັນຊີວິດສັງຄົມປີ 2014. ກ່າວຄຳເຫັນທີ່ພິທີປຸກລະດົມ, ທ່ານດ່າວວັນບິ່ງ, ຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ປະທານຄະນະກຳມະການແນວໂຮມປະເທດຊາດຫວຽດນາມນະຄອນຮ່າໂນ້ຍ ໃຫ້ຮູ້ວ່າ: ໃນປີ 2014, ເຖິງວ່າເສດຖະກິດຂອງປະເທດ ແລະ ນະຄອນຍັງພົບກັບຄວາມຫຍຸ້ງຍາກຫຼາຍຢ່າງແຕ່ບັນດາວິສາຫະກິດ, ນັກທຸລະ ກິດຍັງຄົງປະກອບສ່ວນຢ່າງຕັ້ງໜ້າເຂົ້າໃນພາລະກິດພັດທະນາເສດຖະກິດ, ວັດທະນະທຳ, ສັງຄົມຂອງນະຄອນ. ທີ່ພິທີປຸກລະດົມ, ບັນດາວິສາຫະກິດໄດ້ແບ່ງປັນບັນດາວຽກງານທີ່ແທດຈິງ ເພື່ອໜູນຊ່ວຍຄົນທຸກຍາກຜ່ານຜ່າຄວາມຫຍຸ້ງຍາກ, ບືນຕົວຂຶ້ນໃນການດຳລົງຊີວິດ.