(ທ່ານເລຂາຄະນະພັກນະຄອນຮ່າໂນ້ຍ ຮ່ວາງຈຸງຫາຍ)
(vovworld) - ຕອນເຊົ້າວັນທີ 16/03, ຢູ່ຮ່າໂນ້ຍ, ຄະນະຊາວໜຸ່ມຮ່າໂນ້ຍ ໄດ້ຈັດການພົບປະກັບເລຂາຄະນະຊາວໜຸ່ມຕາແສງ, ເທດສະບານ 584 ຄົນ ແລະ ຍ້ອງຍໍເລຂາຄະນະໜ່ວຍຊາວໜຸ່ມເກັ່ງນະຄອນຫຼວງປີ 2016. ກ່າວຄຳເຫັນທີ່ພິທີຍ້ອງຍໍ, ທ່ານເລຂາຄະນະພັກນະຄອນຮ່າໂນ້ຍ ຮ່ວາງຈຸງຫາຍ ໄດ້ສະເໜີໃຫ້ຄະນະຊາວໜຸ່ມ ແລະ ບັນດາອົງການຈັດຕັ້ງ, ຄະນະຊາວໜຸ່ມທຸກຂັ້ນຕ້ອງສຸມໃສ່ຍົກສູງຄຸນນະພາບການເຄື່ອນໄຫວ, ປ່ຽນໃໝ່ເນື້ອໃນ, ວິທີການເຄື່ອນໄຫວ, ຕອບສະໜອງຄວາມມຸ່ງມາດປາດຖະໜາຂອງຊາວໜຸ່ມເປັນຈຳນວນຫຼາຍ… ເພື່ອສ້າງເງື່ອນໄຂຍູ້ແຮງຂະບວນການດຳເນີນອາຊີບໃນໝູ່ສະມາຊິກຊາວໜຸ່ມ, ທ່ານເລຂາຄະນະພັກນະຄອນຮ່າໂນ້ຍ ຮ່ວາງຈຸງຫາຍ ເນັ້ນໜັກວ່າ.
“ບັນດາການເຄື່ອນໄຫວຂອງຄະນະຊາວໜຸ່ມ ຕ້ອງມີຈຸດໃໝ່ຫຼາຍຢ່າງ, ມີຫົວຄິດປະດິດສ້າງ, ດຶງດູດໄວໜຸ່ມເປັນຈຳນວນຫຼວງຫຼາຍເຂົ້າຮ່ວມເໝາະສົມກັບໄລຍະເຊື່ອມໂຍງເຂົ້າກັບສາກົນທີ່ນັບມື້ນັບເລິກເຊິ່ງ, ກວ້າງຂວາງ. ປະຕິບັດວຽກງານເປັນເສນາທິການໃຫ້ອຳນາດການປົກຄອງທຸກຂັ້ນ ກ່ຽວກັບວຽກງານຊາວໜຸ່ມໃຫ້ດີ. ຖ້າຢາກເຮັດໄດ້ຄືແນວນັ້ນ, ບັນດາພະນັກງານຊາວໜຸ່ມ ຕ້ອງກຳແໜ້ນສະພາບການ ແລະ ຄວາມມຸ່ງມາດປາດຖະໜາຂອງສະມາຊິກຊາວໜຸ່ມ, ຊາວໜຸ່ມ, ເຂົ້າໃຈສະພາບການຂອງທ້ອງຖິ່ນຢ່າງເລິກເຊິ່ງ”.