ຮ່ຳຮຽນແລະປະຕິບັດຕາມແບບຢ່າງຄຸນສົມບັດປະທານໂຮ່ຈິມີນໃນວຽກງານຂົນຂວາຍປະຊາຊົນ
ບັນດາຜູ້ແທນເຂົ້າຮ່ວມການພົບປະສົນທະນາ
ພາບ:vov
|
(vovworld)- ຕອນເຊົ້າວັນທີ 15/5 ຢູ່ ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ຄະນະກຳມະການສູນກາງແນວໂຮມປະເທດຊາດ ນະຄອນໂຮ່ຈິມີນ ໄດ້ຈັດຕັ້ງການພົບປະສົນທະນາ ດ້ວຍຫົວຂໍ້ວ່າ: “ຮ່ຳຮຽນ ແລະ ປະຕິບັດຕາມແນວຄິດໂຮ່ຈິມີນ ໃນວຽກງານຂົນຂວາຍປະຊາຊົນ.” ທີ່ການພົບປະສົນທະນາ, ບັນດາຜູ້ແທນ ໄດ້ຢືນຢັນວ່າ ມີຫລາຍວິທີປະຕິບັດວຽກງານຂົນຂວາຍປະຊາຊົນ ແຕ່ມີພຽງຂົນຂວາຍປະຊາຊົນຢ່າງຄ່ອງແຄ້ວ ຕາມວິທີຊື່ງປະທານໂຮ່ຈິມີນໄດ້ສັ່ງສອນຈຶ່ງບັນລຸລະດັບວິທະຍາສາດ ແລະ ສິລະປະ. ຮອງສາດສະດາຈານ, ດຣ ເຈີນເຫົ້າ, ກຳມະການສະພາໃຫ້ຄຳປຶກສາກ່ຽວກັບວິທະຍາສາດ - ສຶກສາ, ແນວໂຮມປະເທດຊາດຫວຽດນາມ ຖືວ່າ:
“ຄວນປ່ຽນໃຫມ່ຮູບການຊີ້ນຳນຳພາ, ໃນນັ້ນ ເອົາໃຈໃສ່ເຖິງ 2 ບັນຫາຊື່ງປະທານໂຮ່ຈິມີນ ວາງອອກ. ທີຫນຶ່ງ ຕ້ອງປະສານສົມທົບນະໂຍບາຍກັບສະພາບການລະອຽດ. ທີສອງ ຕ້ອງສົມທົບການຊີ້ນຳນຳພາມະຫາຊົນ, ຕ້ອງຮັບເອົາຄຳເຫັນຂອງປະຊາຊົນ. ເຮັດໄດ້ຄືແນວນັ້ນ ວຽກງານຂົນຂວາຍປະຊາຊົນຈຶ່ງບັນລຸລະດັບສິລະປະຄືດັ່ງປະທານໂຮ່ຈິມີນໄດ້ສັ່ງສອນ “ຂົນຂວາຍປະຊາຊົນ ແມ່ນຂົນຂວາຍກຳລັງທັງໝົດຂອງປະຊາຊົນແຕ່ລະຄົນ.”