( vovworld ) – ວັນທີ 6/5, ຜູ້ມີສິດເລືອກຕັ້ງເກຼັກ ໄດ້ໄປປ່ອນບັດໃນການເລືອກຕັ້ງກ່ອນກຳນົດເວລາ. ຜູ້ມີສິດເລືອຕັ້ງປະມານ 10 ລ້ານຄົນໄດ້ເຂົ້າຮ່ວມການປ່ອນບັດ. ຕາມໝາກຜົນແຫ່ງການຢັງຫາງສຽງແລ້ວ, ມີ 8 ໃນຈຳນວນ 10 ພັກສາມາດຍາດໄດ້ທີ່ນັ່ງໃນສະພາແຫ່ງຊາດຊຸດໃໝ່, ໃນນັ້ນການແຂງຂັ້ນຕົ້ນຕໍ່ແມ່ນດຳເນີນໄປລະຫວ່າງພັກປະຊາທິປະໄຕໃໝ່ຕາມທິດຮັກສາເດີມ ແລະ ພັກສັງຄົມ ( Pasok ) ເຖິງຢ່າງໃດກໍຕາມ ບໍ່ມີພັກຝ່າຍໃດສາມາດຍາດໄດ້ຈຳນວນທີ່ນັ່ງພໍສົມຄວນເພື່ອສາມາດສ້າງຕັ້ງລັດຖະບານໄດ້. ພາຍຫຼັງ 2 ປີແຫ່ງການປະຕິບັດບັນດາມາດຕະການປະຢັດ, ໝາກຜົນແຫ່ງການຢັ່ງຫາງສຽງຄັ້ງຕ່າງໆໃຫ້ເຫັນວ່າ ບັນດາຜູ້ມີສິດເລືອກຕັ້ງບໍ່ສະໜັບສະໜູນພັກສັງຄົມ Pasok ແລະ ພັກປະຊາທິປະໄຕໃໝ່ ເພາະວ່າພັກທັງ 2 ນີ້ດັ່ງກ່າວໄດ້ຮັບຮູ້ບັນດາມາດຕະການປະຢັດເພື່ອແລກເອົາ 2 ປ້ວງເງິນກູ້ຊ່ວຍທີ່ມີມູນຄ່າ 314 ຕື້ USD. ຄາດວ່າ, ໝາກຜົນໃນເບື້ອງຕົ້ນຂອງການເລືອກຕັ້ງຈະໄດ້ປະກາດໃນຕອນຄໍ່າວັນດຽວກັນ ແລະ ໝາກຜົນສຸດທ້າຍຈະໄດ້ປະກາດໃນວັນທີ 7/5.