(vovworld) - ວັນທີ 21/11 ທີ່ການປະຊຸມດ່ວນຢູ່ ບຣຸກແຊນ ປະເທດ ແບນຊິກ, ບັນດາລັດຖະມົນຕີການເງິນພາກພື້ນນຳໃຊ້ສະກຸນເງິນ ເອີໂຣ ແລະ ກອງທຶນເງິນຕາສາກົນ (IMF) ຍັງບໍ່ທັນບັນລຸໄດ້ຂໍ້ຕົກລົງກ່ຽວກັບການປ່ອຍເງິນກູ້ຊ່ວຍລວມມູນຄ່າ 31,5 ຕື້ເອີໂຮ (40 ຕື້ USD), ໃນນັ້ນ ບ້ວງເງິນຫນູນຊ່ວຍທີສອງຊຶ່ງສະຫະພາບເອີລົບ ແລະ IMF ສະຫງວນໃຫ້ແກ່ ເກັຼກ ເພື່ອຊ່ວຍເກຼັກ ຫລຸດພົ້ນອອກຈາກໄພບໍ່ສາມາດຊຳລະຫນີ້ສາທາລະນະໃນເດືອນ 11 ນີ້ໄດ້. ຄວາມບໍ່ລົງລອຍກັນທີ່ການປະຊຸມຄັ້ງນີ້ ແມ່ນເລື່ອງ ສະຫະພາບເອີລົບ ແລະ IMF ຄວນຕໍ່ເວລາ ຕື່ມອີກ 2 ປີ ໃຫ້ເກຼັກ ເພື່ອຕອບສະຫນອງຈຸດໝາຍຫລຸດຜ່ອນ ອັດຕາສ່ວນຫນີ້ສາທາລະນະເມື່ອທຽບໃສ່ GDP ຫລືບໍ່. IMF ຖະແຫລງວ່າ ຖ້າຫາກ ເກຼັກ ບໍ່ປະຕິບັດຈຸດໝາຍຫລຸດຜ່ອນບ້ວງຫນີ້ສາທາລະນະໄດ້ IMF ຕອ້ງຖອນອອກຈາກຄວາມມານະພະຍາຍາມຮັກສາພື້ນຖານເສດຖະກິດ ເປັນປົກກະຕິ ໃຫ້ແກ່ເກັຼກ. ໃນວັນດຽວກັນ, ທ່ານນາຍົກລັດຖະມົນຕີ ເກຼັກ Antonis Samaras ໄດ້ເນັ້ນຫນັກວ່າ: ບັນດາຄູ່ຮ່ວມມືໃນ ອີຢູ ແລະ IMF ຕ້ອງປະຕິບັດຄຳໝັ້ນສັນຍາຂອງຕົນ.